Elordada eki problemalyq turǵyn úı keshenindegi páterlerdi notarıýspen rásimdeýge tyıym salyndy

NUR-SULTAN. QazAqparat - Nur-Sultan qalasynyń prokýratýrasy «Shyǵys» jáne «Jaǵalaý» turǵyn úı keshenderi boıynsha páter satýǵa qatysty notarıaldyq is-áreketterdi jasaýǵa tyıym saldy, dep habarlaıdy QazAqparat qala ákimdigine silteme jasap.

Úleskerlerdiń arasynda «Msabi Invest» kompanııasy «Shyǵys» jáne «Jaǵalaý» turǵyn úı keshenderinde páterlerdi satyp jatyr» degen aqparat taralýda.

«Elorda qurylys kompanııasynyń» málimdeýinshe, quqyq qorǵaý organdary tarapynan atalmysh fakti boıynsha tekseris júrgiziledi.
«Azamattardy bul turǵyn úı keshenderinde páterlerdi satyp almaýǵa shaqyramyz. Sebebi bular problemalyq keshender bolyp tabylady. Jáne búginde osy nysandy qurylys salýshydan úleskerlerge qaıtaryp berý jumystary júrgizilýde», - dedi «Elorda qurylys» kompanııasynyń dırektory Baýyrjan Nurashbekov.

Sondaı-aq, Nur-Sultan qalasy ákimdiginiń vedomstvoaralyq komıssııasynyń usynysy boıynsha qalalyq prokýratýra atalǵan turǵyn úı keshenderindegi páterlerdi alý boıynsha notarıaldyq is-áreketterdi jasaý boıynsha tyıym saldy.