Elordada eki kúnde 10 mas júrgizýshi ustaldy

NUR-SULTAN. QazAqparat – Nur-Sultanda «Qaýipsiz jol» aldyn alý sharasynyń eki kúninde kólikti mas kúıde júrgizgen 10 adam ustaldy, dep habarlaıdy QazAqparat tilshisi.

Qalalyq Polıtsııa departamentiniń málimetine sáıkes, júrgizýshilerdiń barlyǵy 15 kúnge qamaldy. Olar 7 jylǵa deıin júrgizýshi kýáliginen aıyrylýy múmkin.

«Jaýapkershiliktiń kúsheıtilgenine qaramastan kólikti mas kúıde júrgizetinder áli de bar. Osynyń saldarynan keıde qaıǵyly jaǵdaılar bolyp jatady», - dedi departamentten.

Máselen, 19 qarasha kúni Máskeý kóshesinde patrýldik polıtsııa túnde «Volkswagen Passat» markaly avtokóliktiń baıaý qozǵalyp kele jatqanyn kórip, ony toqtatqan. Kólikti toqtatyp, qujattardy tekserý barysynda tártip saqshysy alkogoldiń ıisin sezip qalady. Er adamdy kólik júrgizý múmkindiginen shektegen polıtseı, oǵan medıtsınalyq kýálandyrýdan ótýdi usynǵan. Artynsha dáriger-narkologtyń qorytyndysy boıynsha er adamnyń orta dárejede mas bolǵany anyqtaldy. QR Ákimshilik kodekstiń 608-baby boıynsha ákimshilik is qozǵaldy. Ákimshilik sottyń sheshimimen júrgizýshi 15 táýlikke qamaldy. Alda ony sot kútip tur.