Elordada Dımash Qudaıbergenovke arnalǵan kórme ashyldy

NUR-SULTAN. QazAqparat - Búgin elordadaǵy «Máńgilik el» qaqpasynyń galereıasynda Dımash Qudaıbergenovtiń jeke kontserti qarsańynda ánshiniń shyǵarmashylyǵyna arnalǵan kórkemdik jumystar kórmesi ashyldy, dep habarlaıdy QazAqparat.

Kórmege kásipqoı jáne áýesqoı sýretshiler, taıaý jáne qıyr shet memleketterdiń sándik-qoldanbaly óner sheberleri qatysýda. Olardyń qatarynda Qytaı, Fınlıandııa, Túrkııa, Sırııa, Shvetsııa, Argentına, Amerıka, Reseıdiń Máskeý, Lýgansk, Kemerovo, ıAkýtsk, Groznyı qalalarynyń ókilderi bar. Budan basqa, QR Sýretshiler odaǵynyń músheleri, Qazaqstannyń túrli óńirlerinen kórkem óner joǵary oqý oryndarynyń stýdentteri jobaǵa atsalysýda.

Sonymen qatar, ekspozıtsııaǵa ızraıldik aqyn Efım Tashlıtskııdiń «Slýshaıa Dımasha» atty óleńder jınaǵy men qazaqstandyq jazýshy Darııa Jumageldınovanyń «Malchık ı soloveı» ertegisi qoıylǵan.

Kórme 29 shildege deıin jalǵasady. «Máńgilik el» qaqpasyna kirý quny eresekter úshin 500 teńge. Balalar úshin - 350 teńge (7 jasqa deıingi balalar úshin kirý - tegin), stýdentter men jeńildigi bar azamattar sanattary úshin 250 teńge.

Eske salaıyq, Dımash Qudaıbergenovtiń jeke kontserti elimizdiń bas qalasynda erteń, 29 maýsymda, «Astana Arena» stadıonynda ótedi. Dımashtyń «Arnaý» atty shoý-baǵdarlamasy Elorda kúnine oraılastyrylǵan.