Elordada COVID-tan keıin aýrýy asqynǵandar ońaltý ortalyqtarynda tegin em alady
Áleýmettik medıtsınalyq saqtandyrý qory Nur-Sultan qalasy boıynsha fılıaly ońaltý qyzmetterin kórsetetin 45 medıtsına uıymymen kelisimshart jasaǵan. Olardyń ishinde: jekemenshik – 20, memlekettik – 22, respýblıkalyq – 3 medıtsına uıymy bar.
Medıtsınalyq ońaltý úsh kezeńnen turady. Birinshisi aýrýy asqynyp turǵan naýqastarǵa, hırýrgııalyq operatsııa jasatqan, jaraqat alǵan adamdarǵa arnalǵan. Ol statsıonarlardyń qurylymdyq bólimshelerinde júrgiziledi. Eger patsıentti aýrýhanaǵa jatqyzý qajet bolmasa, medıtsınalyq kómek kórsetilgennen keıin jáne negizgi aýrý emdelip bolǵannan keıin patsıent ońaltýdyń ekinshi nemese úshinshi kezeńine jiberiledi.
Ońaltýdyń ekinshi kezeńi mamandandyrylǵan bólimshelerde nemese respýblıkalyq densaýlyq saqtaý uıymdary, mamandandyrylǵan ońaltý ortalyqtary men kópbeıindi statsıonarlar bazasynda ótedi. Bul kezeń aýrý bastalǵan sátten bastap toǵyz aı ishinde júrgizilýi qajet. Kýrstyń uzaqtyǵy men jıiligi nozologııaǵa, naýqasty densaýlyq jaǵdaıyna, taǵy da basqa faktorlarǵa baılanysty.
Úshinshi kezeńde medıtsınalyq ońaltý emhana-ambýlatorııa deńgeıinde, kúndizgi jáne táýlik boıǵy statsıonarlarda, ońaltý ortalyqtarynda, shıpajaılar men kýrorttarda, úıdegi statsıonar jaǵdaıynda, sondaı-aq qashyqtyqtan júrgiziledi. Kýrstyń jıiligi men uzaqtyǵy patsıenttiń densaýlyǵyna qaraı belgilenedi.
«MÁMS engizilgeli beri medıtsınalyq ońaltý da damı bastady. 2021 jyly elordada bul baǵytta 4,6 mlrd teńge jumsalǵan. Elordanyń kúndizgi statsıonarlarynda 98,2 myń patsıent ońaltýdan ótse, táýlik boıǵy statsıonarlarda – 129 myń adam ońaltýdan ótken. Ambýlatorııalyq-emhanalyq deńgeıde elorda turǵyndaryna 671 myń ońaltý qyzmeti kórsetildi» - dedii Áleýmettik medıtsınalyq saqtandyrý qory Nur-Sultan qalasy boıynsha fılıalynyń dırektory Nurlybek Qabdyqaparov.
Em kýrsy – 5-6 kún. Emge:
• Massaj (barlyq túri)
• EFK (onyń ishinde, tynys alý gımnastıkasy, tsıgýn)
• Fızıoemdeý
• Tuz shahtasy, kıslorodty kokteıl,
• Basseın, fıtobochka
• Bınaýraldy terapııa
• Psıhıkalyq túzetý jáne psıhologııalyq em-sharalar kiredi.