Elordada COVID-19 juqtyrǵandar sany edáýir azaıdy – maman pikiri
«Qazaqstan» sport kesheninde ornalasqan PTR testileýdiń modýldik zerthanasyndaǵy nátıje dálel bola alady. Zerthana meńgerýshisi ıÝlııa Tretıakovanyń aıtýynsha, kún saıyn zerthanada 800-ge jýyq test jasalady.
«Biz 21 maýsymda jumysty bastadyq. Birinshi aptada jalpy test sanynyń 47%-y aýrýdy rastaǵan nátıje berdi. Búginde tek 20%-y ǵana rastaldy. ıAǵnı, COVID-19 juqtyrǵandardyń sany edáýir tómendegeni baıqalady. Demek, karantın boıynsha qabyldanǵan barlyq sharalardyń nátıjesi boldy», – deıdi ıÝ.Tretıakova.
Dárigerdiń aıtýynsha, test nátıjeleri bir kún ishinde daıyn bolady. Naýqastar óz emhanalarynda PTR analız tapsyrady, sodan keıin materıal zerthanaǵa jetkiziledi. Analız qorytyndysy elektrondy nusqada emhanalardaǵy emdeýshi dárigerge nemese statsıonarǵa birden túsedi.
«Bizdiń zerthanada 20 adam qyzmet etedi. Munda dárigerler, orta medıtsınalyq qyzmetkerler men eriktiler bar. Óte úlken jumys kólemi operatorlarǵa júkteledi. Sebebi analızderdi jan-jaqqa jiberý, elektrondy nusqasyn jasaý jáne ýaqytyly berý qajet. Sondaı-aq, eń qaýipti bolyp sanalatyn birinshi boksta bıologııalyq materıaldardy qabyldaý júrgiziledi, bizge volonterler kómektesedi», – dep atap ótti mobıldi PTR-zerthanasynyń meńgerýshisi.
Qalada kúnine 5 myńǵa deıin taldaý júrgizetin jalpy 9 zerthana bar. 23 shildedegi jaǵdaı boıynsha, Nur-Sultanda 9 068 adam koronavırýs ınfektsııasyn juqtyrǵan, 6 200 naýqas emdelip shyqqan.