Elordada «Tsıfrlyq úkimet» keńsesi ashylady

NUR-SULTAN. QazAqparat – Nur-Sultan qalasynda jyl sońyna deıin «Tsıfrlyq úkimet» keńsesi ashylady. Bul týraly «QazExpoCongress» ulttyq kompanııasy AQ basqarma tóraǵasy Allen Sháıjúnisov málim etti, dep habarlaıdy QazAqparat tilshisi.

«Astana EXPO-2017 halyqaralyq kórmesinen keıin keshenniń taǵdyry ne bolady degen suraq týyndady. Sol úshin arnaıy taldaý júrgizildi. Maqsat – «Astana EKSPO -2017» kórme keshenin odan ári tıimdi qoldaný. Taldaýdyń nátıjesinde keshenniń bolashaqtaǵy qyzmeti boıynsha 2018 jyldyń sáýir aıynda tujyrymdama ázirlenip, ony Memleket basshysy bekitti. ıAǵnı 2020 jyldyń aqpan aıynan bastap «Astana EKSPO-2017» kesheni « QazExpoCongress « dep atalady», - dedi Allen Sháıjúnisov BAQ ókilderine arnalǵan baspasóz týry barysynda.

Elordadaǵy EXPO iskerlik ortalyǵynda barlyǵy 15 nysan bar.

Olardyń qatarynda «Nur-Álem» bolashaq energııasy murajaıy, Astana IT ýnıversıteti, halyqaralyq jasyl tehnologııalar jáne ınvestıtsııalyq jobalar ortalyǵy, «Astana» halyqaralyq qarjy ortalyǵy, Astana Hub IT startaptar tehnoparki jáne basqa da kompanııalar bar.

«Odan bólek, qazirgi ýaqytta ortalyq aýmaǵynda «Tsıfrlyq úkimettiń» keńsesi jasalyp jatyr. Jańa keńseni jyl sońyna deıin iske qosý josparlanǵan. Osylaısha búgingi kúni EXPO ortalyǵy 98 paıyz jumys istep tur. ıAǵnı bizdiń bazada iskerlik belsendilikti yntalandyrý jáne jetekshi damý ınstıtýttardy tartý úshin tolyqqandy bıznes orta qalyptasty. Sonymen qatar keshen aýmaǵy kez kelgen deńgeıdegi is-sharalardy ótkizý úshin qajetti jabdyqtarmen qamtamasyz etilgen. Atap aıtqanda, zamanaýı ınfraqurylym men ekojúıe», - deıdi ol.

Buǵan deıin «QazExpoCongress» ulttyq kompanııasynyń basshylyǵy «Dýbaı EXPO – 2020» halyqaralyq kórmesinde Qazaqstan pavılonynyń qandaı bolatynyn aıtty.