Elordada bıýdjet qarjysy nege ýaqytyly ıgerilmeı otyr

NUR-SULTAN. QazAqparat – 2021 jyldyń qorytyndysy boıynsha qala bıýdjetinen 20 mlrd teńge ıgerilmeı qalǵan. Bul týraly Nur-Sultan qalalyq máslıhatynyń bıýdjet, ekonomıka, ónerkásip jáne kásipkerlik máseleler jónindegi turaqty komıssııasynyń tóraǵasy Vladıslav Sergeev málim etti, dep habarlaıdy QazAqparat tilshisi.

«Ótken jyldyń qorytyndysy boıynsha qala bıýdjeti 97,2 paıyzǵa ıgerilgen. Bylaı qarasaq, ıgerilmegen bıýdjettiń paıyzdyq kórsetkishi bolmashy ǵana. Al is júzinde qarasaq, sol ıgerilmegen az ǵana kólem 20 mlrd teńgeni qurap otyr. Bul somaǵa qanshama áleýmettik máseleni sheshýge bolar edi. ıAǵnı keıbir salaǵa qosymsha qarjy bólýge aqsha taba almaı jatsaq, myna jaqta mıllıardtar ıgerilmeı jatyr. Bıýdjettiń ýaqytyly ıgerilmeýiniń basty sebebi - taýar jetkizýshilermen jasalatyn kelimsharttaǵy mindetterdiń oryndalmaýy. Bul - júıeli másele. Sonymen qatar jarııalanǵan baıqaýlardyń ótpeı qalýy da sebep», - dedi Vladıslav Sergeev qalalyq máslıhattyń otyrysynda.

Komıssııa tóraǵasy qalalyq bıýdjet boıynsha kredıtorlyq bereshek máselesin kóterdi.

Onyń dereginshe, 2020 jylmen salystyrǵanda ótken jyly kredıtorlyq bereshek 2,2 paıyzǵa artqan.

Buǵan deıin máslıhat otyrysynda qalalyq bıýdjet qarajatyn ıgermegen 15 laýazymdy tulǵa jaýapqa tartylǵany aıtyldy.

Odan bólek, elordada bıýdjet qyzmetkerleriniń jalaqasyna qosymsha 30%-dan 100%-ǵa deıin ústemaqy beriletini belgili boldy.