Elordada buqaralyq medıany zańnamalyq retteý máseleleri talqylanyp jatyr

NUR-SULTAN. QazAqparat – Elordada buqaralyq medıany retteý jónindegi zańnama tujyrymdamasyn talqylaýǵa arnalǵan konferentsııa ótip jatyr, dep habarlaıdy QazAqparat tilshisi.

Sharaǵa QR Aqparat jáne qoǵamdyq damý mınıstriniń orynbasary Kemelbek Oıshybaev, Konrad Adenaeýer atyndaǵy qordyń Qazaqstandaǵy ókildiginiń dırektory Iohanes Raı, BAQ salasy men qoǵamdyq uıymdardyń ókilderi, zańgerler qatysýda.

Konferentsııa aıasynda buqaralyq kommýnıkatsııa quraldarynyń qyzmetin zańnamalyq retteýdiń qaıǵadattary men maqsat-mindeti, medıa salany zańnamalyq retteýdiń problemalary, jýrnalısterdiń aqparatqa qol jetkizý múmkindikteri, aqparat salasynda memlekettik múdde men azamattardyń quqyǵyn úılestirý tetikteri, tsıfrlyq dáýirdegi jýrnalıstıkanyń quqyqtyq qyrlary, dástúrli BAQ-ty qoldaý sııaqty máseleler talqylanbaq.

Eki sessııaǵa josparlanǵan sharanyń birinshi bóligi «Buqaralyq medıany zańnamalyq retteýdiń tujyrymdamasy» degen taqyrypqa arnalsa, ekinshi bóliginde «Medıa zańnamasyn jetildirýdiń ózekti máseleleri» talqylanady.

«Biz osy arada túrli oılar men usynystardy estı alamyz dep oılaımyn. Zańnamalyq ózgerister salany damytýǵa jumys istegeni mańyzdy. Aqparattyq qaýipsizdik turǵysynan alsaq, qazaqstandyq BAQ ózara ǵana emes, halyqaralyq deńgeıde de básekege túsip jatyr. sondyqtan otandyq BAQ-tyń básekege qabilettiligi joǵary deńgeıde bolý kerek. Zańnamalyq ózgerister osy máselege de baǵyttalýy kerek dep esepteımiz», - dedi Aqparat jáne qoǵamdyq damý mınıstriniń orynbasary Kemelbek Oıshybaev konferentsııanyń ashylýynda.