Elordada «Bozoq» tarıhı-mádenı qoryǵy ashylady
«Mádenıet jáne sport mınıstri Aqtoty Raıymqulovamen nátıjeli kezdesý boldy. Kezdesý barysynda «Bozoq» memlekettik tarıhı-mádenı qoryǵyn damytý boıynsha birlesken josparǵa qol qoıdyq. Nysannyń jobalyq-smetalyq qujattamasyn ınfraqurylymdardy jasaqtaýdan keıin, ıaǵnı 2020 jyly ázirleýdi josparladyq», - dep jazdy ákim óziniń resmı Instagram paraqshasynda.
Jobanyń basty maqsaty – «Bozoq» qalashyǵyn qalpyna keltirip, arheologııalyq park qurý.
Sonymen birge, ákim týrızm salasyn damytý máseleleri boıynsha birqatar jobalardyń josparlanǵanyn jetkizdi.
Aıta ketsek, Bozoq qalashyǵy Astana qalasynyń aýmaǵynda, Bozoqty ózeniniń shyǵys jaǵalaýynda ornalasqan. X-XI ǵasyrlarda Bozoq aımaqtyń ákimshilik jáne saýda ortalyǵy, sondaı-aq Uly Jibek joly boıyndaǵy qazaq bıleýshileriniń áskerı bazasy bolǵan.
Byltyr Astana qalasynyń ákimi bolǵan Baqyt Sultanov Bozoq qalashyǵynyń 3D-modeli jasalatynyn jarııalaǵan bolatyn.