Elordada borandy kúnderi avtobýs jolaǵyna shyǵyp ketken kólikterge aıyppul salynbaıdy - polıtsııa

NUR-SULTAN. QazAqparat - Elordadaǵy qolaısyz aýa raıyna baılanysty kólik júrgizýshilerine mejeleý syzyǵyn basyp ótkeni úshin jáne baıqaýsyzda qarsy baǵytqa shyǵyp ketkeni úshin aıyppul salynbaıdy. Bul týraly qalalyq polıtsııa departamenti elorda ákimdiginde ótken brıfıngte málimdedi, dep habarlaıdy QazAqparat tilshisi.

«Borandy kúnderi «Sergek» kameralary jyldamdyqty arttyrý boıynsha ereje buzý faktilerin anyqtaıdy. Avtobýs jolaǵyna arnalǵan mejeleý syzyǵymen júrip ótý jáne baıqaýsyzda qarsy baǵytqa ótip ketýge qatysty aıyppul salynbaıdy. Bul joldyń keı bóliginde jol belgisiniń kórinbeýimen baılanysty. Biz aıyppul salǵan kezde barlyǵyn dáleldeıtin bazany kórsetýimiz kerek. Eger bul mejeleý syzyǵy bolsa, onda fotosýretten ereje buzǵan ýaqytta kóliktiń mejeleý syzyǵyn qalaı basyp ótkeni kórinip turýy kerek. Qazirgi ýaqytta muny kórý múmkin emes», - deıdi Nur-Sultan qalasy polıtsııa departamenti ákimshilik polıtsııa basqarmasynyń bastyǵy Eljan Shúpekov.

Eske sala ketsek, qolaısyz aýa raıyna baılanysty búgin elordada tótenshe jaǵdaı rejımi jarııalanǵan bolatyn.