Elordada bıyl 100-ge jýyq kóshe joldary salynady

NUR-SULTAN. QazAqparat - Bıyl astanada 100-ge jýyq kóshe joldary salynyp, keıbireýi jóndeletin bolady. Bul týraly óziniń Instagram paraqshasynda elorda ákimi Altaı Kólginov málime etti, dep habarlaıdy QazAqparat.

«Kún jylynǵan sátten bastap mamandar jol jóndeý jumystaryna kiristi. Olar ortasha jóndeý jumystaryn da, qurylysty da júrgizedi. Bul jumys qalanyń barlyq aýdanynda qolǵa alyndy, eldi mekender tolyq qamtyldy dese bolady. Sondaı-aq, áleýmettik nysandarǵa kirme joldar salý jumysatry júrip jatyr.

Degenmen tutas jobalar da bar. Onda eń aldymen ınjenerlik jelileri salynýy qajet, sodan keıin ǵana jol salynady. Al oǵan deıin ýaqytsha jol tóseledi. Bıyl 100-ge jýyq kóshe joldaryn salý jáne jóndeý josparlanyp otyr. Sońǵy jyldary jóndelgen jáne salynǵan joldar sany 300-ge jetti.

Alaıda qurylysy qarqyndy júrip jatqan jańa aýdandarda áli jol salý qajet. Osyǵan deıin aıtqanymdaı, tapsyrylǵan jumys sapaly oryndalmasa, qabyldamaımyz. Merdiger uıym óz esebinen qaıta jóndeıtin bolady».-deıdi shahar basshysy.