Elordada birneshe kóshe jóndeý jumystaryna baılanysty jabylady
Jóndeý jumystary elordalyq Kólik jáne jol-kólik ınfraqurylymyn damytý basqarmasy Ákimshilik polıtsııa basqarmasynyń kelisimimen júrgizilýde.
Máselen osy jyldyń 13-16 mamyr aralyǵynda jol tósemin ortasha jóndeý júrgizýge baılanysty Qabanbaı batyr dańǵylynyń Qorǵaljyn tas jolynan Saraıshyq kóshesine deıingi aralyǵy kólik qozǵalysy úshin tolyǵymen jabylatyn bolady.
Dál sol sebepti joǵaryda atalǵan kúnderi Jusan Bank ǵımaratynyń janyndaǵy Bókeıhan kóshesi men Syǵanaq kóshesiniń arasyndaǵy qozǵalys pen jol tolyǵymen jabylady.
«Qala joldarynda keptelis týdyrmas úshin elorda turǵyndary men qonaqtary qozǵalys baǵytyn aldyn ala josparlaýy qajet. Keltirilgen qolaısyzdyqtar úshin keshirim ótinemiz jáne jóndeý jumystarynyń júrgizilýine túsinistikpen qaraýdy suraımyz», - delingen kólik basqarmasynyń habarlamasynda.