Elordada bir táýlik ishinde karantın talabyn buzǵan 39 nysan anyqtaldy

NUR-SULTAN. QazAqparat – Elordanyń monıtorıng toptary kún saıyn kásipkerlik nysandarynda shekteý sharalary buzylǵanyn anyqtaýdy kúsheıtilgen kúıde júrgizip keledi, dep habarlaıdy Nur-Sultan ákimdiginiń resmı saıty.

Ótken táýlikte, ıaǵnı 24 shilde kúni qalanyń 39 mekemesi men dúkeninde karantın talaptary saqtalmaǵany anyqtaldy.

Kún saıyn monıtorıng toptary qalanyń 100-den astam kásipkerlik nysanynda sanıtarlyq normalar men shekteý sharalary saqtalǵanyn anyqtaıdy.

2021 jylǵy 1 qańtar men 23 shilde aralyǵynda aýdandyq sanıtarııalyq-epıdemıologııalyq baqylaý basqarmalary shekteý jáne karantın sharalaryn buzǵany úshin jalpy somasy 163 mln teńgege 822 jeke, zańdy tulǵany ákimshilik jaýapkershilikke tartty.

Tek bir táýlik ishinde, 24 shildede 39 nysanda karantın buzylǵany anyqtaldy. Mekeme qyzmetkerleri maska rejımin, áleýmettik qashyqtyqty, jumys rejımin saqtaǵan joq, sonymen qatar kelýshilerdiń jappaı jınalýyna jol berildi.

Saryarqa aýdanynda bul tizimge «Stambýl», «Barmaleı», «Aı», «Sýltanshy», «Sevda» kafeleri, «Mıata» laýndj-bary, «Schaste», «O Azamat» meıramhanalary, Beısekova kóshesindegi aksessýarlar dúkeni kirdi.

Esil aýdanynyń monıtorıngtik toby 12 nysanda: «Aura Verdant», «Sekseýil», «La Terrazza», «Veranda» meıramhanalarynda, «Rayan», «Opus One», «Baoli» kafelerinde, «KartMax» kartıng-klýbynda, «Koleso» barynda, «Zima» barlar galereıasynda, «Maktub» shyǵys kofehanasynda jáne Jelmaı kóshesindegi monsha kesheninde karantın buzylǵanyn tirkedi.

Almaty aýdanynda ornalasqan taǵy 6 mekeme shekteý sharalaryn elegen joq. Onyń ishinde «Baq Saraı», «AqOtaý» meıramhanalary, «Shashlychka» kafesi, «Karıma» palaý ortalyǵy, «Solt» bary, «Mıata» laýndj-bary bar.

Baıqońyr aýdanynda tártip buzýshylar tizimine «Shıfý», «Poshashlychım» kafeleri, «Arzan», «Orchestra», «Elsan», «Mango», «Explore», «12 aı», «Avtodom», «Astyqjan» SO, «Alash» SÚ, «Bıg Shanhaı» bazary endi.

Tártip buzýshylarǵa qatysty jınalǵan materıaldar tıisti sharalar qabyldaý úshin aýdandyq sanıtarlyq-epıdemıologııalyq baqylaý basqarmasyna tapsyryldy.

Esterińizge sala keteıik, Nur-Sultandaǵy epıdemıologııalyq ahýal turaqsyz bolyp qalýda. Kún saıyn qalada koronavırýstyń 1300 jaǵdaıy anyqtalady. Elorda turǵyndary men qonaqtary, sondaı-aq kásipkerlik nysandary sanıtarlyq normalardy jáne karantın rejıminiń talaptaryn qatań saqtaýy tıis. Sol sııaqty betperde taǵý, adam kóp jınalatyn jerlerge barýdan aýlaq bolý jáne t.b. usynylady.

Bul rette qaýipti vırýspen kúresý úshin bir ǵana karantın talaptaryn saqtaý jetkiliksiz. Halyqty jappaı vaktsınatsııalaý arqyly ujymdyq ımmýnıtetti qalyptastyrýdyń mańyzy zor.