Elordada bir kúnde esirtki satý men saqtaýǵa qatysy bar 5 adam ustaldy
20:04, 28 Qańtar 2023
ASTANA. QazAqparat – Polıtsııa qyzmetkerleri elorda aýmaǵyna esirtki zattaryn jetkizýdi jáne ótkizýdi júzege asyrǵan qylmystyq top jumysynyń jolyn kesti. Bul týral QazAqparat polisia.kz telegram kanalyna silteme jasap habarlaıdy.
Toptyń uıymdastyrýshysy buryn sottalǵan 37 jastaǵy er adam. Onyń páterin tintý barysynda satýǵa daıyndalǵan 8 keli gashısh, elektrondy tarazy, aýzy jabylatyn polıetılen qapshyqtar jáne 450 000 teńge tárkilendi.
Budan ári jedel izdestirý is-sharalary júrgizilip, esirtkini saqtaǵan, býyp-túıgen jáne satýmen aınalysqan qylmystyq toptyń taǵy eki múshesi ustaldy.
Polıtseıler zańsyz aınalymnan 23 kelige jýyq esirtki zattaryn nemese 46 myńnan astam bir rettik dozany tárkiledi.
Barlyq ustalǵandar qamaýda, qylmystyq ister qozǵaldy.