Elordada bir aptada 167 qylmys jasalǵan
«Polıtsııa qyzmetkerleri men Ulttyq ulannyń áskerı qyzmetshileri quqyqtyq tártipti qamtamasyz ete otyryp, táýlik boıy kóshelerde sholǵyndaý júrgizdi. Nur-Sultan qalasynda jedel-aldyn alý sharasy ótkizilgen 7 kúnniń ishinde 167 qylmys tirkelip, onyń 133-i izi sýymaı ashyldy», - delingen Nur-Sultan qalalyq Polıtsııa departamenti taratqan aqparatta.
Máselen, krımınaldyq polıtsııa qyzmetkerleri 28 jastaǵy kisi tonaýshyny ustady. Kúdikti kúndizgi ýaqytta Gete kóshesi boıyndaǵy úılerdiń biriniń aýlasynda ótip bara jatqan turǵyndy soqqyǵa jyǵyp, tonap ketken. Ol zardap shegýshiniń aqshasyn tartyp alyp, ústindegi kúrteshesin sheship alǵan. Buzaqy iz sýymaı qolǵa túsip, Polıtsııa departamentiniń ýaqytsha oqshaýlaǵyshyna qamaldy. QR Qylmystyq kodesiniń 191-baby 2-bóligi boıynsha sotqa deıingi tergeý júrgizilip jatyr.
«Sonymen qatar shara aıasynda buryn jasalǵan 79 qylmys ashylyp, izdeýde bolǵan 22 qylmysker ustaldy. «Quqyqtyq tártip» sharasy barysynda túrli ákimshilik quqyq buzǵany úshin shamamen 6 myń adam, onyń ishinde 933 adam spırttik ishimdik iship, tynyshtyqty buzǵany, 826 adam kishigirim buzaqylyq jasaǵany úshin jaýapkershilikke tartyldy», - dep atap ótedi departamentten.