Elordada bıyl aqyly turaq aqysyn tólemegen júrgizýshilerge 2 mlrd teńge aıyppul salynǵan

<p>ASTANA. KAZINFORM &ndash; Elordada bıyl aqyly turaqtar aqysyn tólemegen júrgizýshilerge 2 mlrd teńgeden astam somaǵa aıyppul salyndy. Bul týraly qalalyq Kólik jáne jol-kólik ınfraqurylymyn damytý basqarmasynyń baspasóz qyzmeti habarlady.&nbsp;</p>

«Astana qalasynyń aqyly turaq keńistigin qurýǵa, paıdalanýǵa jáne basqarýǵa» memlekettik-jekeshelik áriptestik shartyna sáıkes «Astana turaq keńistigi» JShS jaýapty. Atalǵan kompanııamen jasalǵan shart aıasynda 10 000 aqyly turaq ornyn iske qosý kózdeledi. Búgingi tańda 7 200-den astam aqyly turaq orny qoldanysqa engizildi. 2025 jyly aqyly turaqtardy kóbeıtý qarastyrylýda. Bıyl jyl basynan beri aqyly turaq aqysyn tólemegeni úshin adamdarǵa 2 mlrd teńgeden astam somaǵa aıyppul salyndy. 2023 jyly dál osyndaı jaǵdaımen 1,3 mlrd teńge somasynda aıyppul salynǵan. Barlyq aıyppuldar tek qalanyń jergilikti bıýdjetine túsedi», - delingen Kazinform saýalyna jaldaǵan jaýapta.

Sondaı-aq basqarma mamandary aqyly turaqqa tólengen aqshanyń 25 paıyzy qala bıýdjetine túsip jatqanyn atap ótken. Mundaı prıntsıp 2038 jylǵa deıin jumys isteıdi.

«Astana turaq keńistigi» aqyly turaqtardan bir jylda 800 mln teńge tabys tapqan. 

Eske sala keteıik, buǵan deıin Májilis depýtaty Ashat Aımaǵambetov Astanadaǵy aqyly turaqtardyń máselesin retteý jolyn aıtqanyn jazǵan bolatynbyz. 

Sondaı-aq Májilis depýtaty Astanadaǵy aqyly turaqtarda 30 mınýt tegin turý tetigin engizýdi usynǵan bolatyn.