Elordada bazarlardyń demalys kúnderi jumys isteýine ruqsat berildi

NUR-SULTAN. QazAqparat – Elordada bazarlardyń demalys kúnderi jumys isteýine ruqsat berildi, dep habarlaıdy QazAqparat qala ákimdigine silteme jasap.

Nur-Sultan qalasyndaǵy shekteý jáne karantın sharalary týraly elordanyń Bas memlekettik sanıtarııa dárigeri S.Beısenovanyń qaýlysy jarııalandy.

«Azyq-túlik jáne azyq-túlik emes bazarlardyń (ashyq aýada) jumysyn, kúsheıtilgen sanıtarııa-epıdemııaǵa qarsy, sanıtarııa-profılaktıka is-sharalaryn saqtaı otyryp, jumys jáne demalys kúnderi saǵat 10:00-den 19:00-ge deıin belgileı otyryp uıymdastyrylady», - delingen jańa qaýlyda.

Sol sııaqty óndiristik kásiporyndarynyń barlyq qyzmet túrleriniń jumysyn kúsheıtilgen sanıtarııa-profılaktıkalyq talapty saqtaı otyryp, qalypty rejımde jumys kestesin belgileı otyryp uıymdastyrý mindeti de tapsyryldy.