Elordada báıge jarystary men kókpardan respýblıkalyq týrnır ótedi

<p>ASTANA. KAZINFORM &ndash;<strong> </strong>Astanada 10-12 qazan kúnderi &laquo;Qazanat&raquo; atshabarynda Respýblıka kúnine jáne Qazaqstan Respýblıkasy máslıhattarynyń qurylǵanyna 30 jyl tolýyna oraı Ulttyq at sporty festıvali aıasynda báıge jarystary jáne kókpardan eresekter arasynda Soltústik aımaqtyń shabandozdaryna arnalǵan respýblıkalyq týrnır ótedi. Bul týraly&nbsp; elorda ákimdiginiń resmı saıty habarlady.&nbsp;</p>

Ulttyq sportty damytý arqyly salamatty ómir saltyn nasıhattaý jáne kókpardan úzdik sportshylardy anyqtaý maqsatynda ótetin týrnırge búginge deıin 7 komanda tirkeldi. 

«Kókparǵa Qaraǵandydan 2 komanda, Astana men Aqmola, Pavlodar, Qostanaı jáne Soltústik Qazaqstan oblystarynan bir komandadan tirkeldi. Tirkelý áli de jalǵasyp jatyr. Týrnır baǵdarlamasyna sáıkes, 10 qazan kúni jarystyń alǵashqy kúni kókparshylar, shabandozdar, atbegiler kelip ornalasyp, mandat komıssııasy men tóreshiler alqasynyń otyrysy, jerebe tartý, jarys attaryn alańmen tanystyrý is-sharalary ótedi. Jalpy 11 qazanda kókpardan toptyq oıyndar bastalady. Al, 12 qazan kúni kókpardan fınaldyq oıyndar uıymdastyrylady. Munda júldeli alty oryn bolady. Kókpar týrnıriniń jalpy júlde qory – 12 000 000 mıllıon teńgeni quraıdy», - dedi jarystyń bas tóreshisi Erlan Kanapın. 

Foto: Astana ákimdigi

Sondaı-aq festıval aıasynda báıge túrlerinen saıystar ótedi. ıAǵnı báıgeniń qunan báıge, jorǵa jarys, top báıge, alaman báıge uıymdastyrylady.

«Jalpy báıge boıynsha búginde onlaın túrde 8 at tirkeldi. Onyń ishinde «Alaman» báıgege – 5 at, qunanǵa – 3 at. Báıge jarystarynyń jalpy júlde qory – 20 000 000 mılllıon teńge. Sonyń ishinde «alaman» báıge ǵana 5 orynǵa deıin jeńimpazdardy anyqtaıdy. Qalǵan báıge túrleri 3 oryn ǵana», - dedi Astana qalasy boıynsha «Báıge» federatsııasynyń tóreshisi Gýlnara Bazarhanova. 

Aıta keteıik kópshilik kóz tikken júırikter dodasynyń ashylý saltanaty 12 qazan kúni saǵat 11.00-de ótedi. Kórermender úshin ulttyq at sporty festıvaline kirý tegin. Sondaı-aq «Qazanat» atshabaryna № 303, 309 jáne 323 avtobýstar qatynaıdy.