Elordada báıge men kókpar jarystary ótip jatyr

<p>ASTANA. KAZINFORM - Búgin Astanadaǵy &laquo;Qazanat&raquo; atshabarynda Respýblıka kúni jáne QR máslıhattarynyń qurylǵanyna 30 jyl tolýyna oraı Ulttyq at sporty festıvali aıasynda báıge men kókpardan jeńimpazdar anyqtaldy, dep habarlaıdy elorda ákimliginiń resmı saıty.</p>

11 qazan kúni kókparmen bastalǵan jarysta Soltústik óńirden jınalǵan 7 komanda toptyq kezeń arqyly jartylaı fınaldyń joldamasyn sarapqa saldy. Al búgingi týrnırdiń qorytyndysy boıynsha, Qostanaı oblysy fınalda Astana qalasyn jeńip, chempıon atansa, Qaraǵandy qalasynyń sportshylary Qaraǵandy oblysynan basym túsip, qola júldege ıe boldy.

Jeńimpaz – 5 mln, 2 - orynǵa – 3 mln, 3-orynǵa – 2 mln, 4-orynǵa – 800 myń, 5 pen 6-oryndarǵa 600 myń teńge syıaqy tabystaldy.

Al festıval aıasynda 12 qazan kúni báıge túrlerinen saıystar ótedi. ıAǵnı qunan báıge, jorǵa jarys, top báıge, alaman báıge uıymdastyrylady.

«V Dúnıejúzilik kóshpendiler oıyndary barsha jerlesterimizdiń nazaryn aýdaryp, ata-babamyzdan kele jatqan ulttyq dástúrimizdi qaıta jańǵyrtýǵa, qyzyǵýshylyqty arttyrýǵa yqpal etti. Endi qalyptasqan joldy odan ári jalǵastyrýǵa tıispiz. Osy oraıda zamanaýı «Qazanat» ıppodromynda 2 kún boıy kókpar men báıge túrlerinen jarys uıymdastyryldy. Kókpardan jalpy júlde qory – 12 mln teńge, báıge túrlerindegi jalpy júlde qory – 20 mln teńgeni qurady», - dedi Astana qalasy máslıhatynyń tóraǵasy, Ulttyq jáne olımpıadalyq at sporty túrleri federatsııasynyń prezıdenti Erlan Qanalımov.

Kókpar básekesinen keıin, ıppodromǵa jınalǵan kórermen jorǵa jarys, qunan báıge, top báıge, alaman báıgeden jeńimpazdardy anyqtady.