Elordada barlyq kompıýter tomografııasy táýlik boıy jumys isteıdi
16:10, 21 Shilde 2020
NUR-SULTAN. QazAqparat - Elordada barlyq kompıýter tomografııasy táýlik boıy jumys isteıdi, dep habarldaıdy QazAqparat qala ákimdigine silteme jasap.
Elordada naýqastarǵa medıtsınalyq kómekti der kezinde kórsetý úshin barlyq kompıýter tomografııalaryniń jumysy táýlik boıǵy rejımge aýystyryldy.
Kompıýter tomografııasy COVID-19 nátıjesinde paıda bolatyn pnevmonııa men ókpedegi basqa da patologııalardy erte anyqtaýǵa múmkindik beredi. Elordada on jeti KT apparaty bar. Olardyń barlyǵy táýlik boıy jumys isteıdi.
Qala ákimdigi qosymsha taǵy eki KT apparatyn satyp aldy. Olar shilde aıynyń sońyna deıin qalaǵa jetkiziledi. Qaladaǵy barlyq 14 memlekettik jáne 2 jeke emhanada rentgen apparaty bar. Maýsym-shilde aılarynda keýde qýysyna barlyǵy 20 myńǵa jýyq zertteý júrgizildi.