Elordada bankterden basqa barlyq nysan shtattyq rejımde jumys istep tur - ákimdik

NUR-SULTAN. QazAqparat - Elordada bankterden basqa barlyq nysan shtattyq rejımde jumys istep tur . Bul týraly Nur-Sultan qalasy ákiminiń baspasóz hatshysy Aqmaral Oljabaeva málim etti, dep habarlaıdy QazAqparat tilshisi.

«Bankterdi esepke almaǵanda Nur-Sultan qalasynyń barlyq nysany shtattyq rejımde jumys istep tur. Sonymen qatar qoǵamdyq kólikterde shtattyq rejımde jumys isteýde», - dedi Aqmaral Oljabaeva agenttik tilshisine.

Aıta keterligi, elordada saýda oıyn-saýyq ortalyqtary, dúkender qazirgi ýaqytta jumys istep tur.

«Degenmen, azamattardy adamdar kóp jınalatyn jerlerge barmaýǵa shaqyramyz. Qazir eń mańyzdysy - qaýipsizdik», - dedi Aqmaral Oljabaeva.

Eske salsaq, Memleket basshysy Nur-Sultan qalasynda tótenshe jaǵdaı engizý týraly Jarlyqqa qol qoıdy.