Elordada balyq aýlaý oryndarynda reıd ótkizildi

<p>Astana qalasynyń Tótenshe jaǵdaılar departamenti adamdardyń qaza bolýy men jaraqattanýynyń aldyn alý maqsatynda balyq aýlaý oryndarynda profılaktıkalyq reıd ótkizdi, dep habarlaıdy <a href="Kazinform." target="_blank" rel="noopener">Kazinform</a> elorda ákimdiginiń resmı saıtyna silteme jasap.&nbsp;</p>

Іs-sharanyń maqsaty – muz astyna túsip ketken adamdy qutqarý kezindegi is-áreketter, sondaı-aq alǵashqy medıtsınalyq kómek kórsetý týraly túsindirý. 

«Muz ústinde jáne sý aıdyndarynda qys mezgilinde qaýiptiń aldyn alý maqsatynda profılaktıkalyq reıd júrgizildi. Qys mezgiliniń bastalýymen balyq aýlaýdy unatatyndar mereke jáne demalys kúnderi demalýǵa shyǵady. Tótenshe jaǵdaılar departamenti jurtshylyqqa qaýipsizdik erejelerin eske salady, sondaı-aq qys bastalǵanǵa deıin ákimdikpen birlesip sý aıdyndarynda eskertý belgileri men aqparattyq stendter ornatady. Bir adam úshin muzdyń qaýipsiz qalyńdyǵy keminde 10 sm bolyp sanalady, birneshe adam úshin muzdyń qalyńdyǵy keminde 25 sm bolýy kerek. Apat jaǵdaılarynyń aldyn alý úshin muzda balyq aýlaý kezinde arqan, qutqarý keýdesheleri, sheńberler jáne taıaqtar sııaqty jeke qutqarý quraldaryn alyp júrý qajet. Sonymen qatar qaýipsizdik erejelerin saqtaý mańyzdy: qarańǵyda jáne qolaısyz aýa raıynda muz ústine shyqpaý qajet», - dedi Astana qalasy Tótenshe jaǵdaılar departamenti azamattyq qorǵanys basqarmasy bastyǵynyń orynbasary podpolkovnık Renat Smaǵulov.

Qutqarýshylar men polıtseılerdiń túsindirme jumysynan keıin qatysýshylarǵa muz ústindegi qaýipsizdik erejeleri bar aqparattyq broshıýralar taratyldy. 

Elordalyq TJD sý men muzdaǵy tártip erejelerin saqtaýǵa keńes beredi.