Elordada balasyn vokzal mańynda tastap ketken ana psıhıatrııalyq esepte turǵan

<p>ASTANA. KAZINFORM &ndash; Osydan birer kún buryn elordada 3-4 jasar balany dalada tastap ketken anaǵa izdeý salynǵan edi. Balasyn tastaǵan ana tabyldy. Bul týraly Kóliktegi polıtsııa departamentiniń baspasóz qyzmeti habarlaıdy.&nbsp;</p>

- Astana stantsııasyndaǵy jelilik polıtsııa basqarmasynyń qyzmetkerleri jedel-izdestirý nátıjesinde balasyn vokzal mańynda qaldyrǵan anany anyqtap, polıtsııaǵa jetkizdi. Ol buryn psıhıatrııalyq dıspanserlik esepte turǵan, - delingen habarlamada.

Qazir anaǵa qatysty balany qaýip-qaterge qaldyrý faktisi boıynsha tergeý júrip jatyr. 

- Bala Astana qalasy ákimdiginiń ómirlik qıyn jaǵdaıdaǵy balalardy qoldaý ortalyǵyna jiberildi, - deıdi kóliktegi polıtsııa departamentiniń baspasóz qyzmetinen. 

Sondaı-aq Qylmystyq-protsestik kodekstiń 201-babyna sáıkes ózge aqparat jarııalaýǵa jatpaıtyny eskertildi. 

Eske sala keteıik, 8 qańtarda Astanada balasyn vokzal mańynda jalǵyz qaldyryp ketken anaǵa izdeý salynǵany týraly habarlaǵan edik.

Tastandy bala jaıly aqparat aldymen jelide tarady.