Elordada balabaqshalar ázir ashylmaıdy - Altaı Kólginov
«Qazirgi ýaqytta balabaqshalarǵa qatysty másele bar. Ekeýi de jumys isteıtin jáne balalaryn úıde qaldyryp ketýge múmkindigi joq ata-analardyń ótinishterimen balabaqshalarda kezekshi toptar ashtyq. Jalpy, bizde balabaqshaǵa baratyn balalardyń sany 55 myńnan assa, qazirgi ýaqytta kezekshi toptarǵa shamamen 3 myń sábı baryp júr. Sondyqtan da biz balabaqshalardy ashýǵa asyǵa qoımaımyz. Bul máselege epıdemıologııalyq ahýalǵa baılanysty maýsym aıynyń ortasynda oralamyz», - dedi Altaı Kólginov.
Onyń atap ótýinshe, balabaqshalardaǵy kezekshi topta 15 baladan ǵana bolady.
«Sonymen qatar jazǵy lagerlerdiń jumysyn da ázirshe qaıta jandandyrmaımyz. Bul máselege de epıdemıologııalyq ahýalǵa baılanysty biraz ýaqytta keıin qaıtyp oralaatyn bolamyz», - dedi qala basshysy.