Elordada balabaqsha kezeginde 60 myńnan astam búldirshin tur
Nur-Sultan qalasy ákimdiginiń baspasóz qyzmeti usynǵan málimetke súıensek, elordadaǵy 99 memlekettik balabaqshada 31,5 myń bala tárbıe alady. Qalǵan 328 jeke menshik balabaqshanyń 314-i memlekettik tapsyryspen jumys istep, 27 myń balany mektepke deıingi bilimmen qamtyp otyr. Sondaı-aq, túrli uıymdarǵa baǵynysty 3 balabaqsha men 2 shaǵyn ortalyqta 630-dan astam bala tárbıelenedi.
«Bıylǵy bilim berý kezeńindegi aqparat boıynsha, «INDIGO: elektrondy balabaqsha» portalynda 60 myń 175 bala kezekte tur. Bıyl mektepke deıingi uıymdardan 21 myń 978 oryn jınaqtaldy», - dep jazylǵan ákimdiktiń QazAqparat saýalyna bergen jaýabynda.
Ákimdiktiń málimetine súıensek, bıylǵy oqý jylynyń basynda memlekettik nysandaǵy balabaqshalardyń bári birdeı balaqabyldaýǵadaıyn emes.
«Bıyl 14 memlekettik balabaqshada jóndeý jumystary júrgizildi. №39 balabaqshada áli de jóndeý jumystary júrip jatyr. Qazan aıyna deıin aıaqtalýy kerek», -delingen resmı málimette.
Ákimdiktegilerdiń aıtýynsha, astanadaǵy memlekettik balabaqshalar 16 myń 800 teńgelik tarıfpen jumys isteıdi. ıAǵnı, bir balaǵa kúninen 857 teńge shyǵyn jumsaıdy. Al jeke menmenshik balabaqshalardyńtarıfi – 20 myń 800 teńge. Kúnine bir balaǵa jumsaıtyn shyǵyn 1040 teńge degen sóz.