Elordada baǵany zańsyz kótergen birneshe nysan jaýapqa tartyldy
Bul týraly Básekelestikti qorǵaý jáne damytý agenttiginiń Astana qalasy boıynsha departamentiniń basshysy Tımýr Kalenov málim etti, dep habarlaıdy QazAqparat tilshisi.
«Qamqor Lokomotıv» JShS-nan lokomotıvterge tehnıkalyq qyzmet kórsetý naryǵynda joǵary baǵa qoıý arqyly, tabys tapqany úshin aıyppul óndirildi. «TEK-QAZAQSTAN» JShS-sy dızel otynyn qabyldaý, saqtaý jáne jiberý boıynsha qyzmetterge joǵary baǵa qoıǵany úshin ákimshilik jaýapqa tartyldy. Sot sheshimi kúshine engen joq. Sondaı-aq, memlekettik satyp alý portalyna monıtorıng qorytyndysy boıynsha «Qazaqstandyq agrarlyq saraptama» AQ jáne «AdgoEkspert-AЅ» JShS tuqymdyq jáne otyrǵyzý materıalynyń sorttyq jáne egistik sapasyn aıqyndaý jónindegi qyzmetter naryǵynda básekelestikke qarsy kelisim jasasý bóliginde zańbuzýshylyqtar anyqtaldy», - dedi Tımýr Kalenov Astana qalasynyń kommýnıkatsııalar qyzmeti alańynda ótken brıfınginde.
Departament basshysynyń aıtýynsha, memlekettik satyp alý júıesi tártibin buzǵany úshin atalǵan eki kompanııaǵa qarsy is qozǵaldy.
«Іsterdi qaraý qorytyndysy boıynsha Astana qalasynyń ákimshilik quqyq buzýshylyq jónindegi mamandandyrylǵan aýdanaralyq sotynyń 2023 jylǵy 20 naýryzdaǵy qaýlysymen «Qazaqstandyq agrarlyq saraptama» AQ ákimshilik jaýapqa tartyldy», - deıdi ol.
Buǵan deıin habarlaǵanymyzdaı, «Qazaqstan temir joly» ulttyq kompanııasyna qatysty tergeý júrip jatyr.