Elordada Azııa jastarynyń keńesi ótip jatyr
«Búgingi kezdesý óte mańyzdy. Sebebi jıyn keńestiń qurylǵanyna 30 jyldyǵymen sáıkes kelip otyr. Osy ýaqyt ishinde Azııadaǵy ózara is-qımyl jáne senim sharalary keńesi (AÓSShK) álemniń aýqymdy kontınentindegi beıbitshilik pen yntymaqtastyqty nyǵaıtýǵa yqpal etetin bedeldi dıalog alańyna aınaldy. Jahandyq týrbýlenttilik jaǵdaıynda kópjaqty dıplomatııanyń tıimdi ınstıtýty retindegi keńestiń mańyzy, óńirdegi jáne álemdegi yntymaqtastyq pen qaýipsizdikti nyǵaıtý birneshe ese artyp keledi. AÓSShK jastar keńesi forýmǵa múshe memleketter arasyndaǵy áriptestik pen gýmanıtarlyq baılanysty keńeıtýde úlken ról atqarady. Keńes óskeleń urpaqtyń áleýetin ashýǵa eleýli úles qosa otyryp, jastar uıymdarynyń áleýmettik-ekonomıkalyq jáne mádenı saladaǵy qyzmetin úılestiredi», - delingen QR Prezıdentiniń úndeýinde.
Qasym-Jomart Toqaev búgingi kezdesýdiń kún tártibinde qoǵamdy radıkaldanýǵa qarsy is-qımyl, sýıtsıd pen esirtkige táýeldiliktiń aldyn alý sııaqty mańyzdy taqyryptar bar ekenin atap ótti.
«Aıtýly shara qatysýshy elder jastarynyń neǵurlym úılesimdi álem qurýǵa eleýli úles qosýǵa umtylysy men daıyndyǵyn kórsetedi. AÓSShK jastar keńesiniń otyrysy keń Azııa keńistigindegi tyǵyz kooperatsııaǵa qýatty jasampaz serpin beretinine, ashyq jáne senimdi dıalog zamanaýı suraqtarǵa jaýap berý úshin jańa tásilder men sheshimder tabýǵa múmkindik beretinine senimdimin», - dedi Memleket basshysy.