Elordada az qamtylǵan otbasylardyń balalary qýyrshaq teatr qoıylymyn tegin tamashalady
2 qarashada elorda turǵyndary men qonaqtary úshin S.Obraztsov atyndaǵy qýyrshaq teatrynyń ártisteri óner kórsetti. «Turandot» ertegisi Reseıdiń eńbek sińirgen óner qaıratkeri, «Altyn maska» ulttyq teatr syılyǵynyń laýreaty, rejısser Borıs Konstantınovtyń avtorlyq nusqasynda qoıyldy.
Spektaklde eki álem qaqtyǵysady – klassıkalyq Qytaı men romantıkalyq Venetsııa. Sahnada qatygez sulý Turandot pen hanzada Kalaftyń mahabbaty baıandalady. Sol sııaqty Venetsııanyń kópirin, sýǵa shaǵylysqan aıdyń sáýlesin, syńǵyrlaǵan qońyraýdy, sý betinde júzgen qaıyqtardy baıqaýǵa bolady. Onyń jelisi kimdi bolsyn beı-jaı qaldyrmaıdy.
«Turandot» spektakli – eresekterge arnalǵan ertegi. Bul aqyly taıaz er adamdardyń basyn alǵan hanshaıym jaıly. Biraq ertegi jelisi boıynsha jaǵdaıdyń bárin túzetetin aqsaqal shyǵady jáne ol onyń áıeli bolady», - dedi S. Obraztsova atyndaǵy Memlekettik akademııalyq ortalyq qýyrshaq teatrynyń bas rejısseri Borıs Konstantınov.
Sondaı-aq, orys teatry Gans Hrıstıan Andersenniń «Aqqala» ertegisin qoıady. Bul – aqqala men peshtiń arasyndaǵy mahabbat jaıly áńgime.
Reseılik qonaqtar Qazaqstannyń qonaqjaılyǵyn erekshe atap ótip, aldaǵy ýaqytta Nur-Sultanǵa qaıta kelemiz degen úmittin bildirdi.
«Nur-Sultan bizdi jyly qarsy aldy. Óz úıimizde júrgendeı sezimde qaldyq. Kóshede de, sahnamyzda da qar jaýyp tur, aqqala paıda boldy. Qala óte sulý. Turǵyndary da meıirimdi. Aldaǵy ýaqytta qýana-qýana oralǵymyz keledi», - dedi Borıs Konstantınov.
Aıta keteıik, búgingi spektaklge áleýmettik osal toptan shyqqan elordalyq mektep oqýshylary tegin qatysty.
Reseıden kelgen teatr 3 qarasha kúni «Neobyknovennyı kontsert» kúlkili qýyrshaq revıýin qoıady. Qýyrshaqtar ánshilerdi, bıshilerdi, mýzykanttardy, tsırk jattyqtyrýshylaryn, sıqyrshylardy jáne basqa janrdaǵy ártisterdi parodııalaıdy.
Aıta ketý kerek, bul spektakl gastrolder men kórsetilimder sany boıynsha rekord ornatyp, Gınnestiń rekordtar kitabyna engen. Ony álemdegi eń kóp kórermen tamashalady. Qoıylymdy Edýard Aplombov ótkizedi. Onyń kórermen qaýymnyń júzine kúlki úıirip, kóńilin birden kótere alatyn daryny bar.
Esterińizge sala keteıik, teatr festıvali Qazaqstan Táýelsizdiginiń 30 jyldyǵyna oraılastyrylǵan. Spektaklderden basqa beıneleý óneriniń kórmesi, akterlik sheberlik boıynsha sabaqtar, konferentsııa áne t.b. uıymdastyryldy.
Qonaqtar men qatysýshylar densaýlyǵynyń qaýipsizdigin qamtamasyz etý maqsatynda is-sharaǵa Ashyq qosymshasy arqyly ǵana kiredi.