Elordada áınekti shaǵyp, urlyq jasaǵan vandaldar jazalandy

<p>ASTANA. KAZINFORM &ndash; Astanada vandalızm aktilerimen jáne qoǵamdyq tártipti buzýshylarmen júıeli kúres jalǵasyp jatyr. Elordalyq polıtseıler vandaldardy taýyp, jazalady. Bul týraly qalalyq ákimdiktiń resmı saıty habarlady.</p>

21 tamyz kúni saǵat 16:00 shamasynda qala turǵyny Respýblıka dańǵyly, 11 mekenjaıyndaǵy úıdiń aýlasynda «Mıtsýbısı» markaly avtokóliktiń áınegin syndyryp, bótenniń múlkine qasaqana zaqym keltirip, materıaldyq shyǵyn keltirdi. Onyń jeke basy anyqtalyp, 20 AEK mólsherinde ákimshilik jaýapkershilikke tartyldy.

Osyǵan uqsas oqıǵa 24 tamyz kúni saǵat 05:40-ta Á.Bókeıhan kóshesi, 3 mekenjaıynda boldy. 62 jastaǵy mas adam magnıtofondy urlap, Toyota Highlander markaly kóligin ádeıi zaqymdady. Quqyq buzýshyǵa bótenniń múlkin búldirgeni úshin 20 AEK mólsherinde aıyppul salynady. 

25 tamyz kúni saǵat 12:00-de Kenesary kóshesi, 80 mekenjaıynda ornalasqan 29 jastaǵy er adam tólem termınaly monıtorynyń áınegin ádeıi syndyrǵan. 

Barlyq quqyq buzýshy tabylyp, jaýapqa tartyldy. 

Esterińizge sala keteıik, Astanada «Stop, vandal!» aktsııasy ótip jatyr. Atalǵan naýqandy eriktiler, belsendiler, belgili sportshylar, ÚEU ókilderi, qala turǵyndary, aýdandyq ákimdikter men qalalyq polıtsııa departamentiniń esirtki qylmysyna qarsy kúres basqarmasynyń qyzmetkerleri, máslıhat depýtattary qoldady. 

Aktsııa aıasynda qalada kúndizgi jáne túngi reıdter, sondaı-aq turǵyndar arasynda qoǵamdyq tártipti saqtaý jáne qala múlkine uqypty qaraý qajettiligi týraly túsindirý jumystary júrgiziledi. 

Bótenniń múlkin qasaqana búldirip, jalpy aýmaqtardy lastap, ǵımarattar men turǵyn úı-jaılardy búldirgeni úshin jyl basynan beri sot 207 adamdy jazalady. Olardyń barlyǵy jaýapqa tartyldy. 

Vandalızmniń aldyn alý jumystary qalalyq prokýratýra men polıtsııa departamentiniń úılestirýimen júrgiziledi.