Elordada avtobýsta bolǵan urlyq beınebaqylaý kamerasyna túsip qalǵan

NUR-SULTAN. QazAqparat – Elordada avtobýsta ornatylǵan beınebaqylaý kamerasyna túsirilgen vıdeodan urlyq faktisi tirkeldi, dep habarlaıdy QazAqparat Nur-Sultan qalalyq PD baspasóz qyzmetine silteme jasap.

Jolaýshy artqy esikten kirip, oryndyqtardyń arasyna qaǵaz paketin qoıǵan. Biraz ýaqyttan keıin kúdikti avtobýsqa kirip, paketti baıqaǵan.

Jolaýshynyń nazary basqa nársede bolǵanyn paıdalanyp, ol paketti urlap, avtobýstan shyǵyp ketken.

Urlanǵan zattardyń arasynda - 7 myń teńge kóleminde aqsha, páterdiń kilti men qulaqqap keısi bar.

Jedel-izdestirý sharalary barysynda 31 jastaǵy kúdikti ustaldy, ol óz kinásin moıyndady.

Atalǵan fakti boıynsha qylmystyq is qozǵalyp, ustalǵan adamnyń osyǵan uqsas buryn jasalǵan qylmystarǵa qatysy bar-joǵy anyqtalýda.