Elordada avtobýs jolaqysyn Transcard mobıldi qosymshasymen tóleýge bolady

NUR-SULTAN. QazAqparat - Android jáne iOS platformalarynda Transcard mobıldi qosymshasy jańartyldy, dep habarlaıdy QazAqparat.

Bul jaıynda City Transportation Systems kompanııasy málimet taratty.

Qosymshaǵa jańa fýnktsııalar qosyldy:

- QR-kod arqyly jol aqysyn tóleý

- Elektrondyq bılet

«Negizgi» retinde tirkelgen kólik kartasy úshin mynadaı fýnktsııalar qoljetimdi:

- teńgerimdi tekserý jáne toltyrý;

- sońǵy 10 kún boıynsha jasalǵan saparlar týraly aqparat alý;

- kartany buǵattaý jáne joıý;

- teńgerim aýdarý fýnktsııasy jaqyn arada qoljetimdi bolady.

«Qosymsha» karta úshin:

- teńgerimdi tekserý

- kólik kartasyn toltyrý.

Sondaı-aq, tirkelý áldeqaıda jeńildedi. Endi tek aty-jónińizdi, telefon nómirińizdi, JSN kórsetý qajet.

Tolyq tirkelý úshin jeke kýáliktiń jáne kólik kartasynyń fotosýretterin bekitý kerek.

Derekterdiń sáıkestigin teksergennen keıin moderator akkaýntty belsendiredi.

Transcard mobıldi qosymshasyn Play Market pen App Store arqyly júkteýge bolady.