Elordada avtobýs jolaqtaryna qatysty onlaın daýys berý bastaldy
«Elordada qarbalas saǵattardan tys jáne demalys kúnderi arnaıy bólingen avtobýs jolaqtaryn paıdalaný máselesi boıynsha onlaın-daýys berý bastaldy. Osyǵan baılanysty biz qala turǵyndary men qoǵamdyq kólik júrgizýshileri arasynda atalǵan jańalyqty engizýge qalaı qaraıtyndyǵy týraly saýalnama júrgizýdi uıǵardyq», - dep atap ótedi Nur-Sultan qalalyq Kólik jáne jol-kólik ınfraqurylymyn damytý basqarmasyna qarasty CTS kompanııasy.
Aıta keteıik, qalada Abylaı han dańǵyly boıymen A.Pýshkın kóshesinen Manas kóshesine deıingi ýchaskede pılottyq joba aıasynda qarbalas saǵattardan tys ýaqytta shekteý kózdelmegen arnaıy avtobýs jolaǵy engizilgen bolatyn. Avtomobılderge avtobýs jolaǵymen tańǵy saǵat 07.30-dan 9.30-ǵa deıin jáne keshki saǵat 17.00-den 20.00-ge deıin júrýge tyıym salynady.
Saýalnamaǵa qatysý úshin qala ákimdiginiń saıtyna ótý qajet.