Elordada aýyr salmaqty júk kólikteriniń salmaǵy tekserilýde
«Júk jóneltýshiler men tasymaldaýshylar jol jabynyna jáne qorshaǵan ortaǵa zııan keltirmeý úshin belgilengen júk parametrlerin qatań saqtaýǵa tıis.
Alaıda, avtokólik quraldarynyń júrgizýshileri kóliktik baqylaýdan jıi jaltarady. 2021 jylǵy 18 shildeden 10 tamyzǵa deıingi eki apta ishinde júk avtokólik quraldary júrgizýshileriniń tekserý úshin toqtatqan kezde talapty elemegen 43 jaǵdaı tirkeldi», - QR Indýstrııa jáne ınfraqurylymdyq damý mınıstrligine silteme jasap.
Aıta keteıik, QR ÁQBtK 613-babyna sáıkes beketterde (onyń ishinde jyljymaly beketter de bar) kóliktik baqylaý qyzmetkerleriniń talaptaryn oryndamaǵan kólik júrgizýshisine 30 AEK mólsherinde aıyppul salynady. Al talapty bir jyl ishinde qaıtalap buzsa, alty aıǵa kólik quraldaryn basqarý quqyǵynan aıyrylady.
«Nur-Sultan qalasy boıynsha kóliktik baqylaý ınspektsııasy júk parametrlerin ólsheý úshin toqtatý talaptaryn elemegen barlyq kólik ıelerine qajetti qujattardy usyný jáne jaǵdaıdy taldaý úshin júrgizýshilerdiń kelýi týraly talaptar jiberilgenin habarlaıdy.
Kóliktik baqylaý ınspektsııasynyń osy talaptaryn oryndamaǵan júk kólikteriniń ıeleri QR ÁQBtK 462-babyna sáıkes laýazymdy adamdardyń qyzmettik mindetterin oryndaýyna kedergi keltirý boıynsha ákimshilik jaýapkershilikke tartylady», - delingen mınıstrlik aqparatynda.