Elordada aýtızmge shaldyqqan balalardy qoldaý qaıyrymdylyq marafony bastaldy
Marafonǵa Senat tóraǵasy Máýlen Áshimbaev, tanymal boksshy Vasılıı Levıt syndy esimi belgili azamattarmen qatar eki myńnan astam adam qatysyp jatyr.
Senat spıkeriniń atap ótýinshe, mundaı sharany ótkizý óte mańyzdy. Óıtkeni aýtızm syndy problema elimiz úshin asa ózekti. Osy aýrýǵa shaldyqqan adamdarǵa kómek kórsetý, olardyń ómir súrýine qolaıly jaǵdaı jasaý mańyzdy.
«2 323 adam, onyń ishinde 1 098 er adam jáne 1 100-den astam áıel adam tirkeldi. Adamdardyń kóptep qatysýy mol úles sanalady. Óıtkeni túsken qarajat balabaqshalar men mektepterde ınklıýzııany qoldaý kabınetterin ashýǵa jumsalady. Sonymen qatar bul shara aýtızm jaıly bilýi úshin ótkizilip otyr. Aýtızmge shaldyqqan balalar da kez kelgen bala sııaqty mektepke, balabaqshaǵa baryp, bilim alǵysy keledi», - dedi «Bolashaq» qory qamqorshylyq keńesiniń tóraǵasy Dınara Gaplan.
Júgirý 1, 2,5, 5 jáne 10 shaqyrymda ótedi. Qatysý quny - 5 990 jáne 8 990 teńge.
Formaty: onlaın jáne oflaın. Júgirýge kásibı sportshylar, jelaıaqtar, áýesqoı sportshylar, erekshe balalar men olardyń ata-analary qatysyp jatyr. Onlaın arqyly 14 adam tirkelgen, olar elimizdiń 8 qalasynda júgiredi.