Elordada aýdan ákiminiń orynbasary 5 mln teńge para aldy degen kúdikpen ustaldy
13:03, 10 Qyrkúıek 2019
NUR-SULTAN. QazAqparat – Qalalyq sybaılas jemqorlyqqa qarsy is-qımyl qyzmeti Nur-Sultan qalasy Almaty aýdany ákiminiń orynbasaryna qatysty sotqa deıingi tergeý amaldaryn júrgizýde, dep habarlaıdy QazAqparat tilshisi.
«Nur-Sultan qalasy Almaty aýdany ákiminiń orynbasary jeke kompanııanyń dırektorynan 5 mln teńge para aldy degen kúdikke ilindi. Ol aýdandy jaryqtandyrýǵa qatysty memlekettik satyp alý týraly kelisim boıynsha oryndalǵan jumysqa qol qoıylýy úshin qamqorlyq jasamaq bolǵan» delingen agenttik habarlamasynda. Sybaılas jemqorlyqqa qarsy is-qımyl agenttiginiń málimetinshe, atalmysh is boıynsha sotqa deıingi tergeý amaldary jalǵasyp jatyr. Іske núkteni sot úkimi qoıady.