Elordada aýany lastaýshy zattar belgilengen shekten asyp ketti – Qazgıdromet
«Qazgıdromet» RMK-nyń ekologııalyq monıtorıng beketteri lastaýshy zattardyń shekti kontsentratsııasynan asyp ketkenin anyqtady, dep habarlaıdy QazAqparat QR Ekologııa, geologııa jáne tabıǵı resýrstar mınıstrliginiń Telegram kanalyna silteme jasap.
ıAǵnı aýany lastaýshy zattardyń ishinde: kúkirtsýteginiń belgilengen shekten asyp ketýiniń 38 jaǵdaıy, RM2,5 shańnyń 76 jaǵdaıy, RM10 shańynyń 7 jaǵdaıy, azot oksıdiniń 30 jaǵdaıy, azot dıoksıdiniń 53 jaǵdaıy tirkeldi.
Azot dıoksıdi boıynsha № 5 beket (Turan dańǵyly 2/1), kúkirttisýtegi boıynsha №8 beket (Kóktal shaǵyn aýdany), RM2,5 boıynsha №6 (Aqjol kóshesi) men № 7 (Túrkistan kóshesi) beket aýdandary basqalardan kóp lastanǵan.
Nur-Sultan qalasyndaǵy atmosferalyq aýanyń jaı-kúıin baqylaý 10 statsıonarlyq bekette júrgiziledi, onyń ishinde 6-ýy avtomatty beket jáne 4 bekette qolmen synama alynady.
NASA-nyń kartasyna sáıkes, 16-17 sáýirde Pavlodar jáne Soltústik Qazaqstan oblystarynda órt oshaqtary baıqaldy. Bul órtter óz kezeginde, búgin elordada baıqalǵan tútinge áser etýi múmkin edi.
Sınoptıkalyq jaǵdaı kelesideı:
Boljam boıynsha, aldaǵy kúnderi kug qubylmaly bolady, jaýyn jaýady, 18, 20-21 sáýirde jel 15-20 m/s deıin kúsheıedi dep kútilýde. Túnde aýa temperatýrasynyń 5...7 gradýsqa deıin birtindep joǵarylaýy, kúndiz 15...17 gradýstan 10...12 gradýsqa deıin tómendeýi boljanyp otyr.