Elordada aýa raıynyń qolaısyzdyǵynan jol apaty jıiledi

NUR-SULTAN. QazAqparat – Nur-Sultan qalasyndaǵy aýa raıy qolaısyzdyǵy saldarynan jol apattarynyń sany artqan, dep habarlaıdy QazAqparat qalalyq Polıtsııa departamentiniń baspasóz qyzmetine silteme jasap.

«Aýa raıynyń qolaısyzdyǵynan elordada jol-kólik oqıǵalarynyń sany artty. Ótken táýlikte 91 jol-kólik oqıǵasy tirkeldi. Osy oraıda Polıtsııa departamenti jolaýshylardy barynsha muqııat jáne saq bolýǵa shaqyrady. Sondaı-aq, jyldamdyq pen qashyqshyq rejimin saqtap, manevr jasaý erejelerin buzbaýdy eskertedi. Júrgizýshiler úshin eń qaýiptisá - dymqyl asfalt. Jol taıǵaq, onyń ústine túngi aıaz bastaldy. Sondyqtan kenetten manevr jasap, kilt toqtaýdan aýlaq bolý kerek», - delingen habarlamada.

Sonymen qatar, atalǵan vedomstvo jaýyn-shashynnyń da jol qozǵalysy barysyna tıgizetin saldaryn eske saldy.

Buǵan deıin habarlaǵanymyzdaı, keshe túnde elordada kópir ústinde eki kólik soqtyǵysyp, saldarynan 5 adam mert boldy.