Elordada «Astyq qoımalary» JShS ókildikteriniń dırektory sottaldy

<p>ASTANA. KAZINFORM - Astana qalasynyń qylmystyq ister jónindegi aýdanaralyq soty &laquo;Astyq qoımalary&raquo; JShS &laquo;№2 Nan bazasy&raquo; jáne &laquo;№5 Nan bazasy&raquo; ókildikteriniń burynǵy dırektory M.E. Júsipovke qatysty úkim shyǵardy.</p>

Ol 160 mln teńgeden astam somaǵa azyq-túlik astyǵynyń memlekettik rezervtik qoryn jymqyrǵany jáne onyń 118 mln teńgeniń 996 tonna mólsherindegi ónimniń búlinýine ákep soqqan nemquraılylyǵy úshin kináli dep tanyldy.

Kúdiktige sot úkimimen múlki tárkilenip, 8 jyl 5 aı merzimge bas bostandyǵynan aıyrý jazasy taǵaıyndaldy.

Sonymen birge memlekettik qyzmette jáne kvazımemlekettik sektor sýbektilerinde laýazymdardy atqarý quqyǵynan aıyryldy.

Úkim zańdy kúshine engen joq.

Konstıtýtsııanyń 77-baby 3-tarmaǵynyń 1-tarmaqshasyna jáne qylmystyq-protsestik kodekstiń 19-baby 1-bóligine sáıkes qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árqaısysy kinásiz dep esepteledi.