Elordada Astana Mining&Metallurgy 11-shi taý-ken metallýrgııa kongresi ótip jatyr
«Bul forým alǵash ret 2010 jyly Qazaqstan Respýblıkasynyń Tuńǵysh Prezıdenti Nursultan Ábishuly Nazarbaevtyń qoldaýymen jáne tikeleı qatysýymen ótkizilgen. Búgingi tańda «AMM» Kongresi taý-ken metallýrgııa keshenindegi mańyzdy máselelerdi talqylaý jáne sheshýge arnalǵan halyqaralyq alańyna aınaldy. Taý-ken metallýrgııa kesheni Qazaqstan ekonomıkasynyń lokomotıvi sanalady. Onyń úlesine eldiń jalpy ishki ónimniń 8,2 paıyzyna jýyǵy, ulttyq eksporttyń 24 paıyzy tıesili jáne munda 230 myń otandasymyz qajyrly eńbek etýde», - dedi kongrestiń ashylýynda QR Indýstrııa jáne ınfraqurylymdyq damý vıtse-mınıstri Ádilbek Sársembaev.
Eki kún ishinde memlekettik organdardyń ókilderi, halyqaralyq salalyq sarapshylar, iri kompanııalardyń bas dırektorlary, servıstik kásiporyndardyń TOP-menedjerleri taý-ken metallýrgııa salasynyń máseleleri men onyń damý jaıyn talqylaıdy.
AMM kongresi - sala mamandary kezdesetin, ýaǵdalastyqqa qol jetkizetin, kelisimder men kelisim-sharttar jasalatyn tıimdi alańǵa aınaldy. Іs-sharaǵa shetel mamandarynyń qatysýy tájirıbe almasýǵa jáne jańa sheshimderdi qabyldaýǵa yqpal etedi.
Bul forým alǵash ret 2010 jyly Qazaqstan Respýblıkasynyń Tuńǵysh Prezıdenti Nursultan Nazarbaevtyń qoldaýymen jáne tikeleı qatysýymen ótti. Búginde «AMM» kongresi taý-ken metallýrgııa keshenindegi mańyzdy máselelerdi talqylaý jáne sheshý úshin mańyzdy halyqaralyq alań bolyp tabylady.
Bıylǵy sharanyń basty taqyryby «Pandemııa jaǵdaıynda álemdik taý-ken ónerkásibiniń ósý vektorlary». Jalpy kongress baǵdarlamasy jańa tehnologııalar men tsıfrlyq sheshimder boıynsha sessııalardy, geologııalyq barlaý, 4.0 ındýstrııasynda jańa quzyretterdi damytý máseleleri boıynsha sheberlik synyptaryn qamtıtyn bolady.
Qazaqstan TKMK salasynyń bolashaǵy-geologııalyq barlaýǵa ınvestıtsııa salý, sapaly kadrlyq áleýetti damytý jáne jańa tehnologııalardy engizýmen baılanysty. Sol sebepti kongress baǵdarlamasyn sapaly toltyrý salanyń problemalyq máselelerin barynsha tolyq ashýǵa jáne olardy sheshý joldaryn tabýǵa múmkindik beredi.