Elordada Astana kúnine oraı aýqymdy jármeńke uıymdastyrylady

ASTANA. QazAqparat – Shilde aıynda elordada Astana kúnine oraı aýqymdy jármeńke uıymdastyrylady. Qalalyq Investıtsııalar jáne kásipkerlikti damytý basqarmasy basshysynyń orynbasary Maqsat Jańabaev qalalyq kommýnıkatsııalar qyzmetinde ótken brıfıngide osyndaı málimet aıtty, dep habarlaıdy QazAqparat tilshisi.

«Qazirgi tańda biz apta saıyn eki mekenjaıda qalalyq jármeńke ótkizip kelemiz (Saýran kóshesi – 7; Qosshyǵululy kóshesi – 14). Kúzgi kezeńde óńirlerdiń qatysýymen ótetin dástúrli aýyl sharýashylyǵy jármeńkelerin uıymdastyramyz», - dedi ol.

M.Jańabaev aıtyp otyrǵan óńirler jármeńkesin jazdyń sońyna qaraı bastaý josparlanǵan.

«Soǵan baılanysty qazir ótkizetin oryndardy tańdap jatyrmyz. Naýryz merekesinde shyǵys stılindegi úlken jármeńke ótkizgenimizdi bilesizder. Dál osyndaı aýqymdy sharany Astana kúni merekesiniń qurmetine de shilde aıynda ótkizýdi josparlap otyrmyz», - dedi ákimdik ókili.