Elordada áskerı-patrıottyq ánder festıvali ótedi
Festıvaldiń jumysyna memlekettik jáne qoǵamdyq uıymdar men bilim berý mekemeleriniń ókilderi, ardagerler men stýdentter jáne qala mektepteriniń oqýshylary qatysady.
Mádenı sharany uıymdastyrýshy «Kelisim kópiri» qoǵamdyq qory ókilderiniń aıtýynsha, festıval baǵdarlamasyna 18 mýzykalyq nómir engizilgen. Qazaq, orys tilderinde ánder oryndalady. Ónerpazdardyń eń kishisi - 11 jasta bolsa, úlkeni - 29 jasta.
«Úmitkerlerdi quramyna Qazaq mýzyka akademııasy, «Shabyt» Qazaq ýnıversıteti, L.Gýmılev atyndaǵy Eýrazııa ulttyq ýnıversıtetiniń ókilderi engen 5 adamnan turatyn qazylar alqasy baǵalaıdy. Qazylar alqasynyń tóraǵasy Qazaqstan Respýblıkasy Eltańbasynyń avtory Jandarbek Málibekov bolýy josparlanǵan», - dep habarlady astana.kz saıtyna qoǵamdyq qordan.
Festıval búgin Astananyń M.Gorkıı atyndaǵy orys drama teatrynda 16.00-de bastalady. Іs-shara baǵdarlamasyna mýzykalyq festıvalden basqa, jas sýretshilerdiń «Maıdandaǵy erlik» kartınasy kórmesi, sondaı-aq, Uly Otan soǵysy jyldaryndaǵy qazaqstandyqtardyń erligine arnalǵan «Batyrlarǵa -taǵzym» atty kitap kórmesi engen.