Elordada Ashyq niet balalar forýmy ótip jatyr
«Memleket basshysy Qasym-Jomart Toqaev 2022 jyldy «Balalar jyly» dep jarııalady. Osyǵan oraı búgingi forýmnyń óskeleń urpaqtyń damýy men órkendeýine súbeli úlesin qosyp, tıimdi dıalog pen múmkindikter alańy bolatyndyǵyna senimdimin. Balalar men mamandardy bir alańǵa jınaý arqyly jas býynnyń oıyn, tilegin estı alamyz. Jas urpaqtyń ómir súrý deńgeıin jaqsartý - barlyǵymyzdyń ortaq mindetimiz. Barshańyzǵa sáttilik, denderińizge saýlyq, baq-bereke tileımin», - delingen qala ákimi Altaı Kólginovtiń quttyqtaýynda.
Ashyq niet balalar forýmynyń maqsaty – úlken alańda balalar men eresekterdi ushtastyrý. Forým barysynda Astana, Taraz, Shymkent, Petropavldan kelgen 12-den 18- jasqa deıingi oqýshylar túrli taqyrypta ázirlengen baıandamalaryn jasaıdy. Jalpy, forýmǵa 300 baıandama kelip túsken.