Elordada ashyq aspan astynda 5 kún boıy «Uly dala» etnofestıvali ótedi
Elordadaǵy «Báıterektiń» alańynda qaz-qatar kıiz úıler tigilip, ortaǵa eńseli sahna ornatylypty. Álemdik jáne dástúrli din kóshbasshylarynyń VІІ sezine kelgen meımandardy astana bıyl osylaı qarsy almaqshy. «Uly dala» degen ataý alǵan etnofestıvaldiń mazmuny men máni týraly qoıýshy bas rejıseri Ashat Memırov aıtyp berdi.
«Álemdik jáne dástúrli din kóshbasshylarynyń VІІ sezi aıasynda elordaǵa kelgen qonaqtarǵa, osy sezge qatysýshylarǵa, jalpy týrısterge arnap qyrkúıektiń jaımashýaq kúninde «Uly dala» etnofestıvalin ótkizip jatyrmyz. Shara Nur-Sultan qalasynyń ákimdiginiń uıymdastyrýymen, qalalyq mádenıet basqarmasyna qarasty mádenı ujymdardyń qatysýymen ótedi. Sezge kelgen qonaqtardyń ishinde din kóshbasshylarynan bólek teolog ǵalymdar, mádenıettanýshylar, rýhanı qaıretkerler bar.
Basty maqsat – solarǵa uly dalanyń mádenı, mýzykalyq murasyn nasıhattaý, dáripteý», - deıdi elordadaǵy Mýzykalyq jas kórermen teatrynyń dırektory.
Báıterektiń qos qaptalyna tigilgen kıiz úılerge bas suǵyshýylar kóp ekeni ańǵarylady. Sheteldikter de, jergilikti turǵyndar da ásirese qyran qus pen qumaı tazyny kóbirek tamashalap júr.
«Elordamyzdyń tórinde, «Báıterektiń» eki qaptalyna kıizúıler tiktik. Bir qanatta qazaqtyń zergerlik buıymdary, qolóner týyndylary kórmege qoıylǵan. Sonyń ishinde ulttyq kıimderimizdiń tigilý protsesi kórsetiledi. Qyshtan, temirden jasalatyn buıymdardy qalaı isteletinin de kórýge bolady. Ekinshi qaptaldaǵy kórme negizinen qazaqtyń saıatshylyq ónerie arnalǵan. Qyran búrkit, qumaı tazy ustaǵan saıatshylar sheteldik qonaqtardyń nazaryn birden aýdaryp jatyr. Odan bólek ulttyq taǵamdarymyz da el nazaryna usynylady. Al ortadaǵy úlken sahnada bes kúnde bes túrli kontserttik baǵdarlama qoıylady»,- dedi festıvaldiń bas qoıýshy rejıseri.
Onyń aıtýynsha, bes kúndik festıvalge dástúrli mýzykanyń kórnekti ókilderi án-kúı, jyrlaryn daıyndap jatyr.
«Mysaly, qazir qalalyq mýzykalyq jas kórermen teatry «Uly dalanyńsalt-dástúrleri» degen taqyryppen teatrlandyrylǵan qoıylym arqyly kóshpendiler mádenıetindegi besiktoı, tusaýkeser, qyz uzatý, kelin túsirý sııaqty qýanyshtardyń orny qandaı bolǵanyn kórsetip jatyr. Olardaǵy aıtylatyn ǵuryptyq jyrlar shyrqalyp jatyr. Altybaqanda qyz-jigittiń tabysýy, bastańǵy, aqsúıek sııaqty dástúrli oıyndardy da osy jerden tamashalaýǵa bolady.
Keshke qaraı Erkeǵalı Rahmadıev atyndaǵy eloardalyq akademııalyq fılarmonııanyń eń úzdik ujymdary, onyń ishinde «Qorqyt sazy» etnofolklorlyq ansambli, «Shattyq» dombyrashylar ansambli, «Gákký» jetigenshiler toby jáne Araılym Raqymqyzy bastaǵan dástúrli ánshiler ónerin pash etedi», - dedi Ashat Maemırov.
Án men kúıdiń sherýi erteń de jalǵaspaq.
«Qazaqtyń dástúrli mýzykasyn álemdik arenada nasıhattap júrgen mýltımýzykant, bir ózi bir teatr ispettes Qazaqstannyń eńbek sińirgen qaıratkeri Edil Qusaıynov óziniń arnaıy baǵdarlamasyn jasap jatyr. Qazaqtyń bestúrlián mektebiniń kórnekti ókilderi de ánnen shashý shashpaqshy.
Olardyń ortasynda The Magic of Nomads atymen qazaqtyń án-kúıin álemge zamanaýı tásilmen tanytyp júrgen Ǵazıza Ǵabdrahımova da bar.
Ózderińiz kórip otyrsyzdar «Báıterek» mańynda sheteldikter kóp júr. Bári erekshe kóńil kúıge bólenip, qazaqtyń oıý-órnegine tánti bolǵandaryn aıtysyp jatyr. Festıval kelesi jyly da jalǵasyn tabatynyna senemin. Festıval búgin bastaldy. Alaǵy kún boıy tańǵy saǵat 10.00-da bastalyp, keshki saǵat 21.00-ge deıin sozylady», - deıdi festıvaldiń qoıýshy bas rejıseri Ashat Maemırov.
Alańdaǵy kóńildi jurttyń arasynan Álemdik jáne dástúrli din kóshbasshylarynyń VІІ sezine Italııadan kelgen qonaqtardyjolyqtyrdyq.
«Biz Italııadan Rım Papasynyń osy saparyn uıymdastyrýshy din qyzmetkeriniń delegatsııasymen keldik. Keshe kelgendikten qalany biraz aralap úlgerdik. Qalaqatty unady. Qazaqtar qonaqjaılyq tanytyp atyr. Óz úıimizde júrgendeımiz.
«Báıterek» aldyndaǵy shara unap jatyr. Dástúrl iánderdi tyńdap, jergilikti mádenıettiń erekshelikterimen tanystyq. Salt-dástúrlerińizdi maqtan tutady ekensizder, bul óte jaqsy. Ázirge tek jaǵymdy áser alyp jatyrmyz. Aýa raıy da qonaqtardyń qabaǵyna qarap turǵan sııaqty. Qarasha aıy kezindegi Mılanda júrgen sııaqtymyz. Aramyzda bir adam ǵana kúnniń sýyqtyǵyna shaǵymdanyp júr», - dep kúldi delegatsııa múshesi.