Elordada AÓSShK 30 jyldyǵyna daıyndyq máselesi talqylandy

NUR-SULTAN. QazAqparat - QR Syrtqy ister mınıstri Muhtar Tileýberdi Azııadaǵy ózara is-qımyl jáne senim sharalary keńesi (AÓSShK) Hatshylyǵynyń Atqarýshy dırektory Qaırat Sarybaımen kezdesti, dep habarlaıdy QazAqparat QR Syrtqy ister mınıstrliginiń baspasóz qyzmetine silteme jasap.

Áńgime barysynda taraptar Hatshylyqtyń 2021 jylǵy jumys jospary men basymdyqtaryn talqylady. Sondaı-aq, 2022 jyly Keńestiń 30 jyldyǵyna daıyndyq máseleleri boıynsha pikir almasyldy. Atqarýshy dırektor ú.j. jeltoqsanda ótken AÓSShK Arnaıy jumys toby men Aǵa laýazymdy tulǵalar komıteti otyrystarynyń qorytyndylary týraly habardar etti.

SІM basshysy álemdegi geosaıası ahýaldyń ózgerýi jáne jańa qaýip-qaterlerdiń paıda bolýy jaǵdaıynda AÓSShK Senim sharalary katalogynyń áleýetin tolyqqandy iske qosý asa ózekti ekenin atap ótti. Ol sondaı-aq AÓSShK ınstıtýtsıonaldyq damýynyń jáne halyqaralyq arenada, onyń ishinde óńirlik uıymdarmen jáne forýmdarmen ózara is-qımyl sheńberinde onyń bedelin nyǵaıtýdyń mańyzdylyǵyn atap ótti.

M.Tileýberdi qazaqstandyq tóraǵalyqtyń AÓSShK qyzmetin jandandyrý nıetin rastady jáne Hatshylyqtyń Keńestiń maqsattary men mindetterine qol jetkizý jónindegi kúsh-jigerine qoldaý bildirdi.