Elordada ámbebap polıtseıler táýlik ishinde 150 astam qoǵamdyq tártipti buzý oqıǵasyn tirkedi

ASTANA. 5 qarasha. QazAqparat - 1-shi qarashada qyzmetine jańadan kirisken jol-patrýldik polıtsııa qyzmetkerleri kóshelerde táýlik boıy jumys istep 9 qylmys, sonyń ishinde qasaqana dene jaraqatyn salý, adam tonaý, urlyq jasaǵan kúdiktilerdi ustady. Bul týraly qalalyq ІІD baspasóz qyzmetine silteme jasap astana.kz habarlady.

Jeksenbi kúni jol-patrýldik polıtsııa qyzmetine 103 shaqyrý kelip tústi, qoǵamdyq tártipti buzýdyń 164 faktisi anyqtaldy, túrli quqyq buzýshylyqtar jasaǵan 190 adam AІІB jetkizildi, sondaı-aq, jol qozǵalysy erejelerin buzýdyń 147 oqıǵasy anyqtaldy, mas kúıinde kólik basqarǵan 3 júrgizýshi ustaldy.

Eske salaıyq, 1 qarashada elordalyq jol jáne patrýldik polıtsııa qyzmetteri Ákimshilik polıtsııa basqarmasy bolyp bir qurylymǵa biriktirildi. Endi olar ámbebap polıtseıler dep atalady. Saptyq qurylymdardy biriktirý olardyń ókilettilikterin aıtarlyqtaı keńeıtip, qalada oryn alatyn barlyq qylmystar men oqıǵalarǵa jedel áreket etýge múmkindik beredi.