Elordada alty jasar bala 14-shi qabattan qulap kete jazdady

ASTANA. QazAqparat – Astanada 6 jasar bala kópqabatty turǵyn úıdiń terezesinen qulap kete jazdady, dep habarlaıdy QazAqparat tilshisi.

«17 shildede saǵat 18:42-de Astana qalasy Tótenshe jaǵdaılar departamentiniń bólimshesine Ǵabdýllın 11 mekenjaıy boıynsha ornalasqan úıdiń 14-shi qabatyndaǵy terezeden 2017 jyly týǵan balanyń qulaǵaly turǵany týraly qońyraý tústi. Qutqarýshylar kelgen ýaqytqa deıin bala terezeden ózdiginen túsip úlgergen. Úıde ata-anasy bolǵan. Qutqarýshylar olarmen profılaktıkalyq áńgime júrgizdi», - dep jaýap berdi Astana qalalyq Tótenshe jaǵdaılar departamentiniń baspasóz qyzmeti tilshi saýalyna oraı.

Quzyrly organ elorda turǵyndaryn balalardy eresekterdiń qaraýynsyz qaldyrmaýǵa shaqyrdy.

«Balanyń terezege shyǵýyna jol bermeý úshin barlyq jıhazdy alystatyńyz qoıyńyz. Sondaı-aq moskıt torlaryna qulaýdan qorǵaýǵa arnalmaǵan. Balańyzǵa terezeni birneshe santımetrden artyq ashýǵa múmkindik bermeıtin arnaıy bekitkishter qoıyńyz», - dep málim etti departamentten.