Elordada Alǵys aıtý kúninde qandaı is-sharalar uıymdastyrylýda

NUR-SULTAN. QazAqparat – Elordada «Taǵzym» kerýeni 1 naýryz – Alǵys aıtý merekesine oraı birqatar is-shara uıymdastyryp otyr, dep habarlaıdy QazAqparat qala ákimdiginiń resmı saıtyna silteme jasap.

«Jas Ulan» mektep oqýshylarynan quralǵan áskerı jasaq tótenshe jaǵdaı kezinde jedel kómek kórsetetin qyzmet ıelerine – «103 jedel járdem» jelisi, órt sóndirý qyzmeti, Polıtsııa basqarmasynyń kezekshilik bólimi, «Nurly jol» temirjol vokzaly qyzmetkerlerine jáne «Astana Tazalyq» merdigerlik uıymynyń jumysshylaryna alǵys aıtyp, gúl shoqtaryn tabys etti.

«Taǵzym» kerýeni Uly Otan soǵysy ardegerlerin, jalǵyzbasty qarttardy 1 naýryz – Alǵys aıtý kúnimen quttyqtap, azyq-túlik sebetterin tabystaıdy. Oqýshylardan quralǵan «Eriktiler» toby jalǵyzbasty ardagerlerdiń aýlasyn qardan tazalaıdy.

Kóktemniń alǵashqy kúni «Taǵzym» kerýeni Almaty aýdany aýmaǵynda ornalasqan áleýmettik nysandarǵa – Nur-Sultan qalasy ákimdiginiń «Nurly júrek» áleýmettik qyzmet kórsetý ortalyǵy, Mamandandyrylǵan balalar úıi, SOS Balalar qalashyǵy, Nur-Sultan qalasy ákimdiginiń «Sharapat» áleýmettik qyzmet kórsetý ortalyǵy, «Balam-aı» qoǵamdyq qorynyń qyzmetkerleri, sol sııaqty №2 «Óner» mektebiniń «Óner kerýeni» shaǵyn kontserttik baǵdarlama usynady.

1 naýryz – Alǵys aıtý kúnine oraı aýdan balabaqshalary arasynda «Meıirimge toly álem!» onlaın-chellendji ótedi. Shara qorytyndysy boıynsha «Eń úzdik chellendj», «Eń úzdik quttyqtaý» nomınatsııalary boıynsha jeńimpazdar anyqtalatyn bolady. Olarǵa dıplomdar men estelik syılyqtar tabys etiledi.

Eń úzdik chellendj aýdan ákimi apparatynyń áleýmettik jelidegi resmı paraqshasynda jarııalanady.