Elordada Alǵys aıtý kúni qandaı is-sharalar ótedi

<p>ASTANA. &nbsp;KAZINFORM &ndash; Elordada Alǵys aıtý kúni qarsańynda túrli merekelik jáne resmı is-sharalar, onyń ishinde kórmeler, kontsertter, teatr qoıylymdary ótedi.&nbsp;</p>

Astana ákimdigi resmı saıtynyń habarlaýynsha, Alǵys aıtý kúnine baılanysty qalanyń qoǵamdyq keńistigin, dańǵyldaryn, kóshelerin bezendirý josparlanyp otyr. 

Ataýly mereke kúnine oraı elorda mektepterinde kóptegen is-sharalar josparlanyp otyr. Máselen, 1 naýryzǵa deıin «Altyn júrek» án chellendji, QHA etnomádenı birlestikteriniń qaıyrymdylyq aktsııalary, «Rahmet deımin!» meıirimdilik aktsııasy, «Alǵysyńmen jaqynda» alǵys aıtý sabaǵy, «Rahmet saǵan, Elordam» atty oqýshylardyń tilegi, «Qazaqstan – meıirim mekeni» taqyryptyq ekspozııatsııa, «Alǵys sandyǵy» elorda turǵyndaryna alǵys bildirý is-sharasy, «Alǵysqa bólený» adam ómirin qutqarǵan batyr balalarǵa alǵys aıtý aktsııalary josparlanyp otyr.

Sonymen qatar, 28 aqpanda «Rýhanııat» ortalyǵynda «Myń alǵys saǵan, týǵan jer!» ashyq sabaqtar, dál osy kúni qala mektepterinde «Alǵys batasy» Qart adamdarǵa kómektesý is-sharasy, sol sııaqty áleýmettik jeliler arqyly «Araıly Atamekenim» chellendji uıymdastyrylady.

Buǵan qosa, 28 aqpan kúni «Sharapat» áleýmettik qyzmet kórsetý ortalyǵynda qaıyrymdylyq sharasy men kontserttik baǵdarlama, 29 aqpanda «Tarıh ǵıbraty – arhıv qujattarynda» foto qujattyq kórme ótedi.

1 naýryz kúni Balalar mýzykalyq mektebinde «Alǵysym sheksiz» merekelik kontserttik baǵdarlama, sol sııaqty ózge de mektepterde «Rahmet saǵan, Otanym» biryńǵaı ashyq tárbıe saǵaty, «Shynaıy júrektegi alǵys» sýretter fotokórmesi, «Kimge alǵys aıtar edińiz?» eń úzdik quttyqtaý ashyq haty, «Ustazym, Sizge án alǵys!» sazdy chellendj ótkizý josparlanyp otyr.

Bul kúni M. Ótemisov atyndaǵy Okýshylar saraıynda birqatar is-shara josparlanyp otyr: «Dosyma meniń myń alǵys» quttyqtaý, «Qazaq halqyna myń alǵys» onlaın-kvest, «Anam men ákeme alǵys» sýret jáne foto kórmesi, «Qazaqstan – meıirimdilik mekeni», Nemis etnolıngvıstıkalyq ortalyǵynyń qoldanbaly shyǵarmashylyq boıynsha sheberlik synyby, «Igi ister marafony» etnolıngvıstıkalyq ortalyqtar arasyndaǵy is-sharalar.

Sonymen qatar, 1 naýryzda ózge de bilim berý uıymdarynda túrli aktsııalar, chellendjder, kezdesýler uıymdastyrylady.
Mádenıet mekemeleri bul kúni qoıylymdaryn daıyndap otyr. Máselen, Qýyrshaq teatry bul kúni Erekshe balalarǵa arnalǵan «Elvın jáne jumbaq ormannyń turǵyndary» spektaklin qoısa, «Jastar» teatrynda «Demeý» ortalyǵynyń múmkindigi shekteýli jáne zeınetkerlerge arnalǵan «Joly bolǵysh jigit» qoıylymy ótedi.

Merekeniń qurmetine jedel járdem stantsııasynyń qyzmetkerlerine, sondaı-aq kommýnaldyq qyzmet mamandaryna alǵys bildirip, ystyq shaı men baýyrsaqtar, ystyq tamaq taratý josparda bar.

Bul kúni ardagerlermen jáne tyl eńbekkerlerimen kezdesý ótedi.

Al Dostyq úıinde Qazaqstan halqy Assambleıasy músheleriniń qatysýymen Alǵys aıtý kúnine arnalǵan dóńgelek ústel otyrysy, sol sııaqty muqtaj balalardyń emine arnalǵan qaıyrymdylyqtan jınalǵan qarajattyń saltanatty tapsyrý rásimi ótedi.

1 naýryz kúni Qazaqstan halqy Assambleıasy músheleriniń «Qazaq eline myń alǵys» monýmentine gúl shoǵyn qoıý rásimi ótedi.

Sonymen qatar, Beıbitshilik jáne kelisim saraıynda «Birlik» ansamblinyń kontserti qoıylady.