Elordada alǵash ret UNWTO-nyń qalalyq týrızm máseleleri boıynsha sammıti ótedi
15:47, 16 Qyrkúıek 2019
NUR-SULTAN. QazAqparat - 9-11 qazan aralyǵynda Nur-Sultan qalasyndaǵy Táýelsizdik saraıynda VIII «Aqyldy qalalar-aqyldy destınatsııalar» atty jahandyq qalalyq týrızm máseleleri boıynsha sammıti ótedi, dep habarlaıdy QazAqparat elorda ákimdigine silteme jasap.
Nur-Sultan qalasy ákimdigi men BUU- UNWTO Dúnıejúzilik týrıstik uıymy uıymdastyryp jatqan sharada qalany basqarý, jańa ınnovatsııalar men tehnologııalar, sondaı-aq týrızm salasyn turaqty ári ınklıýzıvti qalalardy damytýǵa septigin tıgize alatyn qural retinde qala ómirine keńinen engizý joldary qarastyrylady.
Sammıt barysynda uıymdastyrylatyn paneldik sessııalar, «dóńgelek ústel» kezinde týrıstik aǵynnyń birkelki taralmaýy, bilikti mamandardyń tapshylyǵy, mıgratsııa, jumyssyzdyq pen qaýipsizdik syndy ózekti máseleler talqylanady. Sharaǵa álemniń 30 elinen 700 delegat keledi dep josparlanyp otyr.
Sammıt jumysy boıynsha tolyq aqparat astanacb.com «Astana Konvenshn Bıýro» saıtynda, jáne tirkeý 8gsutn-s.astanacb.com paraqshasynda ótkiziledi.