Elordada alǵash ret Astana Debate Cup ótedi

ASTANA. QazAqparat - Bıyl alǵash ret Astana Debate Cup ótedi. Bul týraly búgin elorda ákimi Baqyt Sultanovtyń qatysýymen ótken jastar isi jónindegi keńeste Astana qalalyq qoǵamdyq damý isteri basqarmasynyń basshysy Danııar Esın aıtty, dep habarlaıdy QazAqparat tilshisi.

«Memleket basshysynyń tapsyrmalaryn oryndaý úshin biz Jastar jylyna arnalǵan jol kartasy aıasynda 100 jańa mamandyq boıynsha jalpy bilim berý grantyn bóletin bolamyz. Aǵymdaǵy jyly alǵash ret Astana Debate Cup resmı elordalyq pikirtalas týrnırin ótkizemiz. Oǵan qaladaǵy barlyq joǵary oqý oryndarynyń komandalary qatysa alady», - dedi ol.

Onyń aıtýynsha, bul týrnırdi aldaǵy ýaqytta jyl saıyn ótkizý josparda bar.

«Jol kartasy aıasynda qarastyryp otyrǵan taǵy bir ózekti baǵytymyz - densaýlyqty nyǵaıtý, salaýatty ómir saltyn qalyptastyrý jáne buqaralyq sportty damytý. Atalǵan baǵyt aıasynda biz 11 iri jobany qarastyryp otyrmyz. Onyń aıasynda stýdentterdiń fýtbol lıgasyn, stýdentter arasynda ýnıversıada, dýatlon, marafon, sonymen qatar IronMan ótkizý josparda bar», - dedi D.Esın.